|
ຕາມຂ່າວສານCRI:ຕອນຄ່ຳວັນທີ21ມັງກອນນີ້,ຢູ່ທີ່ດາມັສ,ທ່ານມາເຮີມຸດ ອາບາສ ປະ ທານອົງການອຳນາດແຫ່ງຊາດປາເລັດສະຕິນທີ່ພວມຢ້ຽມຢາມຊີຣີໄດ້ເຈລະຈາກັບທ່ານຄາເລັດ ເມຊາອານ ຜູ້ນຳການເມືອງຂອງຂະບວນການອິສລາມຕໍ່ຕ້ານຂອງປາເລັດສະຕິນ ຫຼືຮາມາສທີ່ຢູ່ຊີຣີ,ແຕ່ສອງຝ່າຍບໍ່ໄດ້ບັນລຸຄວາມເປັນເອກະພາບກັນໃນບັນຫາຂໍກະແຈ ຄືການປະກອບລັດຖະບານສາມັກຄີແຫ່ງຊາດປາເລັດສະຕິນ.
ໃນງານຖະແຫຼງຂ່າວຮ່ວມທີ່ຈັດຂຶ້ນຫຼັງການເຈລະຈາໃນຕອນຄ່ຳມື້ດຽວກັນ,ທ່ານອັບບາສແລະທ່ານເມຊາອານກ່າວວ່າ,ເຖິງວ່າໃນການເຈລະຈາສອງຝ່າຍບໍ່ໄດ້ມີການບັນລຸຫຼືເຊັນສັນຍາໃນບັນຫາຂໍກະແຈດັ່ງກ່າວກໍຕາມ,ແຕ່ໄດ້ຮັບຄວາມຄືບໜ້າບາງຢ່າງໃນບັນຫາສຳ ຄັນອື່ນ.ສອງຝ່າຍກ່າວວ່າ,ຈະສືບຕໍ່ແກ້ໄຂຄວາມເຫັນທີ່ຂັດແຍ່ງກັນລະຫວ່າງສອງຝ່າຍດ້ວຍຮູບການເຈລະຈາ.
|
