|
ທ່ານອາບບັສກ່າວວ່າ,ຍັງມີຄວາມອາດເປັນໄປໄດ້ທີ່ຈະຮຽກຮ້ອງຈັດການເລືອກຕັ້ງກ່ອນເວລາກຳນົດ
cri
Author: shuo
ຕາມຂ່າວCRI:ວັນທີ22ມັງກອນນີ້,ກ່ອນຈະສິ້ນສຸດການຢ້ຽມຢາມຊີຣີ,ທ່ານມາເຮີມຸດ ອາບບັສ ປະທານອົງການອຳນາດແຫ່ງຊາດປາເລັດສະຕິນກ່າວວ່າ,ເຖິງວ່າທ່ານໄດ້ຈັດການເຈລະຈາຢ່າງຕັ້ງໜ້າກັບທ່ານຄາເລັດ ເມຊາອານ ຜູ້ນຳການເມືອງຂອງຂະບວນການອິສລາມຕໍ່ຕ້ານຂອງປາເລັດສະຕິນ ຫຼືຮາມາສ,ແຕ່ຖ້າວ່າການເຈລະຈາລະຫວ່າງສອງຝ່າຍກ່ຽວກັບການປະກອບລັດຖະບານສາມັກຄີແຫ່ງຊາດປາເລັດສະຕິນລົ້ມແຫຼວ,ທ່ານຈະຮຽກຮ້ອງໃຫ້ຈັດການເລືອກຕັ້ງສະພານິຕິບັນຍັດປາເລັດສະຕິນກ່ອນເວລາກຳນົດ.
ໃນມື້ດຽວກັນ,ຂະບວນການປົດປ່ອຍແຫ່ງຊາດປາເລັດສະຕິນ ຫຼືຟາຕາກັບອົງການຮາມາສໄດ້ອອກຖະແຫຼງການວ່າ,ຜູ້ແທນຂອງສອງຝ່າຍຈະສືບຕໍ່ເຈລະຈາກ່ຽວກັບການປະກອບລັດຖະບານສາມັກຄີແຫ່ງຊາດ.ຖະແຫຼງການຂຽນວ່າ,ການເຈລະຈາຄັ້ງນີ້ຈະຈັດຂຶ້ນຢູ່ກາຊາໃນວັນທີ23ມັງກອນນີ້.
|
|
