|
ໂຄສົກກະຊວງການຕ່າງປະເທດຈີນເວົ້າວ່າ, ຝ່າຍຕ່າງໆທີ່ກ່ຽວຂ້ອງເຫັນດີນຳການຟື້ນຟູການເຈລະຈາ 6 ຝ່າຍໂດຍໄວ
cri
Author: m
ຕາມຂ່າວCRI: ວັນທີ 23 ມັງກອນນີ້, ຢູ່ທີ່ປັກກິ່ງ, ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ, ຝ່າຍຕ່າງໆທີ່ກ່ຽວຂ້ອງຂອງການເຈລະຈາ 6 ຝ່າຍລ້ວນແຕ່ເຫັນດີໃຫ້ຟື້ນຟູການເຈລະຈາ 6 ຝ່າຍໂດຍໄວ, ຝ່າຍຈີນພວມທຳການກະກຽມຢ່າງຕັ້ງໜ້າເພື່ອຟື້ນຟູການເຈລະຈາ, ເວລາລະອຽດຍັງຕ້ອງໃຫ້ຝ່າຍຕ່າງໆເປິກສາຫາລືກັນກ່ອນແລ້ວຈະເຜີຍໃຫ້ຮູ້.
ທ່ານລິວຈ້ຽນຊ່າວແມ່ນໃຫ້ທັດສະນະດັ່ງກ່າວໃນກອງປະຊຸມຂ່າວທີ່ຈັດຂຶ້ນເປັນປະຈຳຂອງກະຊວງການຕ່າງປະເທດ. ທ່ານກ່າວວ່າ, ຝ່າຍຕ່າງໆຫວັງໃຫ້ການເຈລະຈາຈະມີການຄືບໜ້າໃນສອງດ້ານ. ຄື, ກ່ອນອື່ນ, ຝ່າຍຕ່າງໆຫວັງໃຫ້ມີຄວາມເຫັນເປັນເອກະສັນກັນກ່ຽວກັບການເຄື່ອນໄຫວລະອຽດທີ່ຝ່າຍຕ່າງໆຄວນປະຕິບັດໃນໄລຍະຕົ້ນແຫ່ງການປະຕິບັດຖະແຫຼງການຮ່ວມ "19 ກັນຍາ". ພ້ອມກັນນັ້ນ, ຝ່າຍຕ່າງໆກໍຫວັງໃຫ້ຫາລືສ້າງແລະບູລະນະກົນໄກປະຕິບັດຖະແຫຼງການຮ່ວມ "19 ກັນຍາ" , ແລະຕົກລົງຕາລາງເວລາປະຕິບັດຖະແຫຼງການຮ່ວມ.
|
|
