|
ໂຄສົກກະຊວງການຕ່າງປະເທດຈີນເວົ້າວ່າ, ຝ່າຍຈີນມີເຈດຈຳນົງໃຫ້ນຳໃຊ້ອະວະກາດໂດຍສັນຕິຕະຫຼອດມາ
cri
Author: m
ຕາມຂ່າວ CRI: ວັນທີ 23 ມັງກອນນີ້, ຢູ່ທີ່ປັກກິ່ງ, ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວເນັ້ນວ່າ, ຝ່າຍຈີນມີເຈດຈຳນົງໃຫ້ນຳໃຊ້ອະວະກາດໂດຍສັນຕິຕະຫຼອດມາ, ຄັດຄ້ານການໃຊ້ອາວຸດຢູ່ອະວະກາດແລະການແຂ່ງຂັນອາວຸດອະວະກາດ, ຈີນບໍ່ເຄີຍ, ແລະຕໍ່ໄປກໍ່ບໍ່ຫ່ອນຈະເຂົ້າຮ່ວມການແຂ່ງຂັນກຳລັງລົບອະວະກາດດ້ວຍຮູບການໃດໆ.
ໃນກອງປະຊຸມຖະແຫຼງຂ່າວທີ່ຈັດຂຶ້ນໃນມື້ດຽວກັນ, ມີນັກຂ່າວຖາມວ່າຝ່າຍຈີນເຄີຍດຳເນີນການທົດລອງຢູ່ອະວະກາດບໍ່. ທ່ານລິວຈ້ຽນຊ່າວເວົ້າວ່າ, ຝ່າຍຈີນໄດ້ແຈ້ງໃຫ້ປະເທດຕ່າງໆ, ເຊັ່ນ ອາເມລິກາແລະຍີ່ປຸ່ນເປັນຕົ້ນຊາບແລ້ວກ່ຽວກັບຈີນໄດ້ດຳເນີນການທົດລອງເທື່ອໜຶ່ງຢູ່ອະວະກາດ. ທ່ານເວົ້າວ່າ, ການທົດລອງເທື່ອນີ້ບໍ່ແນໃສ່ປະເທດໃດໆ, ແລະກໍ່ບໍ່ເປັນການຂົ່ມຂູ່ຕໍ່ປະເທດໃດໆ.
|
|
