|
|
 |
| (GMT+08:00)
2007-01-24 10:57:23
|
 |
|
ຈີນຈະຊຸກຍູ້ການຮ່ວມມືປິ່ນປົວພະຍາດແບບໃໝ່ຂອງຊົນນະບົດໃຫ້ພັດທະນາລົງສູ່ລວງເລິກຢ່າງຕໍ່ເນື່ອງແລະຮອບດ້ານ
cri
Author: shuo
ຕາມຂ່າວສານຊິນຮວາ:ທ່ານນາງອູອີ ຮອງນາຍົກລັດຖະມົນຕີຈີນກ່າວວ່າ,ຈີນຈະຊຸກຍູ້ການຮ່ວມມືປິ່ນປົວພະຍາດແບບໃໝ່ຂອງຊົນນະບົດໃຫ້ພັດທະນາລົງສູ່ລວງເລິກ,ຮັບປະ ກັນໃຫ້ລະບອບດັ່ງກ່າວປົກຄຸມເມືອງໃນທົ່ວປະເທດ80%ຂຶ້ນໄປໃນປີ2007.
ກອງປະຊຸມວຽກງານການຮ່ວມມືປິ່ນປົວພະຍາດແບບໃໝ່ຊົນນະບົດຂອງຈີນປີ2007ໄດ້ ຈັດຂຶ້ນຢູ່ເມືອງຊີ່ອ່ານ ທາງພາກຕາເວັນຕົກຂອງຈີນແຕ່ວັນທີ22ຮອດວັນທີ23ມັງກອນນີ້.ໃນກອງປະຊຸມ,ທ່ານນາງອູອີກ່າວເນັ້ນວ່າ,ຕ້ອງຮັບປະກັນໃຫ້ເງິນງົບປະມານຈາກການເງິນສູນກາງແລະທ້ອງຖິ່ນລົງຮອດບ່ອນທີ່ກຳນົດຮ້ອຍສ່ວນຮ້ອຍຢ່າງທັນການ;ຕ້ອງເພີ່ມທະວີການຕິດຕາມຄຸ້ມຄອງຕໍ່ອົງການປິ່ນປົວພະຍາດ,ໃຫ້ຊາວກະສິກອນໄດ້ຮັບການບໍລິ ການປິ່ນປົວພະຍາດທີ່ເໝາະສົມ ລາຄາຖືກແລະຄຸນນະພາບດີ;ຮັບປະກັນຢຸກຢາທີ່ໃຊ້ໃນຊົນນະບົດມີຄຸນນະພາບດີ,ແລະຫຼຸດລາຄາຢຸກຢາໃຫ້ຕ່ຳລົງ.
ການຮ່ວມມືປິ່ນປົວພະຍາດແບບໃໝ່ຂອງຊົນນະບົດແມ່ນມາດຕະການຮັບປະກັນການປິ່ນ ປົວພະຍາດໂຄງການໜຶ່ງທີ່ພວມດຳເນີນຢູ່ເຂດຊົນນະບົດຂອງຈີນ,ຊາວກະສິກອນສະ ໝັກເຂົ້າຮ່ວມດ້ວຍການອອກທຶນ20%,ລັດຖະບານ80%,ແລ້ວປະກອບເປັນກອງທຶນການປິ່ນປົວພະຍາດ,ກອງທຶນນີ້ຈະຈ່າຍຄ່າປິ່ນປົວພະຍາດສ່ວນໜຶ່ງຂອງຊາວກະສິກອນທີ່ໄດ້ເຂົ້າຮ່ວມການຮ່ວມມືໂຄງການັ່ງກ່າວ.ການຮ່ວມມືປິ່ນປົວພະຍາດແບບໃໝ່ຂອງຊົນນະບົດເລີ່ມເຜີຍແຜ່ແຕ່ປີ2003,ຮອດປີ2006,ມີຊາວກະສິກອນ406ລ້ານຄົນຂອງຈີນໄດ້ເຂົ້າຮ່ວມ,ກວມ45%ຂຶ້ນໄປຂອງປະຊາກອນທີ່ເປັນກະສິກອນໃນທົ່ວປະເທດ.
|
|
|
