|
ໂຄສົກທະນາຄານພັດທະນາອາຟຼິກາເວົ້າວ່າ, ທ່ານຫູຈີນທາວໄປຢ້ຽມຢາມອາຟຼິກາສະແດງໃຫ້ເຫັນວ່າ, ຈີນໄດ້ປະຕິບັດຕາມຄຳໝັ້ນສັນຍາຕໍ່ອາຟຼິກາຢ່າງຈິງຈັງ
cri
Author: min
ຕາມຂ່າວສານຊິນຮວາ: ວັນທີ 24 ມັງກອນນີ້, ຢູ່ທີ່ປັກກິ່ງ, ທ່ານເອລິກ ຊິນີເອ ໂຄສົກທະນາຄານພັດທະນາອາຟຼິກາເວົ້າວ່າ, ທ່ານຫູຈີນທາວ ປະທານປະເທດຈີນຈະມາຢ້ຽມຢາມ 8 ປະເທດອາຟຼິກາ, ສະແດງໃຫ້ເຫັນວ່າ, ລັດຖະບານຈີນພວມປະຕິບັດຕາມຄຳໝັ້ນສັນຍາຕໍ່ອາຟຼິກາຢ່າງຈິງຈັງ.
ໃນເວລາໃຫ້ສຳພາດຕໍ່ນັກຂ່າວ, ທ່ານຊິນີເອ ເວົ້າວ່າ, ທ່ານປະທານຫູຈີນທາວຢ້ຽມຢາມອາຟຼິກາ, ສະແດງໃຫ້ເຫັນວ່າ, ຜູ້ນຳຈີນເອົາໃຈໃສ່ນຳອາຟຼິກາໃນລະດັບສູງ.
ກ່ຽວກັບສື່ມວນຊົນຝ່າຍຕາເວັນຕົກຈຳນວນໜຶ່ງໂຄສະນາວ່າ, ຈີນພວມປະຕິບັດ "ລັດທິລ່າເມືອງຂຶ້ນແບບໃໝ່" ຢູ່ອາຟຼິການັ້ນ, ທ່ານຊິນີເອີ ເວົ້າວ່າ, "ຂ້າພະເຈົ້າບໍ່ໄດ້ຖືວ່າ, ຈີນພວມປະຕິບັດ ລັດທິລ່າເມືອງຂຶ້ນແບບໃໝ່ ຢູ່ອາຟຼິກາ. ມັນຕ່າງກັນກັບການກະທຳຂອງປະເທດຝ່າຍຕາເວັນຕົກຈຳນວນໜຶ່ງທີ່ປຸ້ນສະດົມເອົາຊັບພະຍາກອນຂອງອາຟຼິກາເປັນເວລາຍາວນານ, ການຮ່ວມມືລະຫວ່າງຈີນກັບອາຟຼິກາແມ່ນການຮ່ວມມືຢູ່ບົນພື້ນຖານຫຼັກການທີ່ຕ່າງຝ່າຍຕ່າງໄດ້ຮັບຜົນປະໂຫຍດນຳກັນ."
|
|
