|
|
 |
| (GMT+08:00)
2007-01-25 10:44:37
|
 |
|
ທູດພິເສດຂອງຈີນພົບປະນາຍົກລີບັງ
cri
Author: shuo
ຕາມຂ່າວສານຊິນຮວາ:ວັນທີ24ມັງກອນນີ້,ທ່ານຊຸ່ນປີ້ກັ້ນ ທູດພິເສດບັນຫາຕາເວັນອອກກາງຂອງຈີນທີ່ໄປເຂົ້າຮ່ວມກອງປະຊຸມສາກົນກ່ຽວກັບການຊ່ອຍເຫຼືອລີບັງຢູ່ປາຣີໄດ້ພົບປະກັບທ່ານໂຟອັດ ຊີນີໂອຣາ ນາຍົກລັດຖະມົນຕີລີບັງ,ສອງຝ່າຍໄດ້ແລກປ່ຽນຄວາມເຫັນກ່ຽວກັບການພົວພັນຈີນລີບັງ ກອງປະຊຸມສາກົນກ່ຽວກັບການຊ່ອຍເຫຼືອລີບັງພ້ອມດ້ວຍບັນຫາລີບັງກັບອິດສະລະແອນ.
ທ່ານຊຸ່ນປີ້ກັ້ນໄດ້ສົ່ງຄວາມຢື້ຢາມຖາມຂ່າວຢ່າງອົບອຸ່ມຂອງທ່ານເວີ່ນເຈ່ຍປາວ ນາຍົກ ລັດຖະມົນຕີຈີນໄປຍັງທ່ານຊີນີໂອຣາ,ກ່າວວ່າ,ລັດຖະບານຈີນໄດ້ສະໜັບສະໜູນວຽກງານສ້າງສາຄືນໃໝ່ຂອງລີບັງດ້ວຍຮູບການຕ່າງໆໂດຍຕະຫຼອດ,ແລະຈະສືບຕໍ່ສະໜອງຄວາມຊ່ອຍເຫຼືອໃຫ້ລີບັງຕາມຄວາມສາມາດຂອງຕົນ.ທ່ານຊຸ່ນປີ້ກັ້ນຍັງເວົ້າວ່າ,ຝ່າຍຈີນຍິນດີທຳຄວາມພະຍາຍາມເພື່ອໃຫ້ລີບັງກັບອິດສະລະແອນບັນລຸສັນຕິພາບຖາວອນ.
ທ່ານຊີນີໂອຣາຂອບອົກຂອບໃຈນຳຈີນທີ່ໄດ້ໃຫ້ຄວາມຊ່ອຍເຫຼືອໃໝ່ແກ່ລີບັງ,ແລະຫວັງວ່າໃນຖານະທີ່ເປັນປະເທດໃຫຍ່ທີ່ມີອິດທິພົນ,ຈີນຈະໄດ້ເສີມຂະຫຍາຍບົດບາດໃຫຍ່ກວ່າເກົ່າໃນການຊ່ອຍເຫຼືອການສ້າງສາຄືນໃໝ່ຂອງລີບັງແລະການແກ້ໄຂບັນຫາລີບັງກັບອິດສະລະແອນ.
|
|
|
