|
|
 |
| (GMT+08:00)
2007-01-25 12:01:09
|
 |
|
ຝ່າວຕ່າງໆຂອງຈີນມີຄວາມເຫັນເປັນເອກະສັນກັນຕໍ່ຮ່າງກົດໝາຍວ່າດ້ວຍສິດຊັບສິນ
cri
ຕາມໜັງສືພິມເຢິນມິນຢື້ປ້າວຂອງຈີນ, ວັນທີ24ມັງກອນນີ້,ຢູ່ທີ່ປັກກິ່ງ,ທ່ານເຊິ້ງຮວາເຢິນ ຮອງປະທານຄະນະປະຈຳສະພາປະຊາຊົນແຫ່ງຊາດຈີນກ່າວວ່າ,ເມື່ອເບິ່ງຈາກສະພາບການພິຈາລະນາໃນກອງປະຊຸມຄະນະປະຈຳສະພາປະຊາຊົນແຫ່ງຊາດຈີນແລະການສ່ອງແສງຂອງຝ່າຍຕ່າງໆໃນສັງຄົມນັ້ນແລ້ວເຫັນວ່າ,ຝ່າຍຕ່າງໆໄດ້ມີຄວາມເຫັນເປັນເອກະສັນກັນຕໍ່ຮ່າງກົດໝາຍວ່າດ້ວຍສິດຊັບສິນແລ້ວ.
ທ່ານເຊິ້ງຮວາເຢິນກ່າວວ່າ,ກົດໝາຍວ່າດ້ວຍສິດຊັບສິນແມ່ນກົດໝາຍແພ່ງອັນພື້ນຖານທີ່ເຮັດໃຫ້ການພົວພັນດ້ານຊັບສິນເປັນລະບຽບແບບແຜນ,ແມ່ນກົດໝາຍທີ່ມີບົດບາດເປັນເສົາຄ້ຳໃນລະບົບກົດໝາຍຂອງຈີນ.ຄະນະປະຈຳສະພາປະຊາຊົນແຫ່ງຊາດຈີນໄດ້ສຳຫຼວດພິຈາລະນາຮ່າງກົດໝາຍດັ່ງກ່າວ7ເທື່ອ,ນີ້ເປັນເລື່ອງທີ່ບໍ່ເຄີຍມີມາກ່ອນໃນປະຫວັດການສ້າງກົດໝາຍຂອງຈີນ.ໃນຂະນະທີ່ສຳຫຼວດພິຈາລະນາ,ຄະນະປະຈຳສະພາປະຊາຊົນແຫ່ງຊາດຈີນຍັງໄດ້ຮັບຟັງຄວາມເຫັນຂອງຝ່າຍຕ່າງໆໃນສັງຄົມໂດຍສະເພາະແມ່ນມວນຊົນຂັ້ນຮາກຖານຢ່າງເຕັມສ່ວນ.
ໃນຂະນະທີ່ສ່ອງແສງໃຫ້ເຫັນລະບອບເສດຖະກິດພື້ນຖານຂອງຈີນ,ຮ່າງກົດໝາຍວ່າດ້ວຍສິດຊັບສິນຍັງໄດ້ເຄົາລົບຫຼັກການທີ່ປົກປ້ອງສິດຊັບສິນສ່ວນລວມແລະເອກະຊົນຢ່າງສະເໝີພາບກັນ.
|
|
|
