|
ທ່ານສຸລະຍຸດ ຈຸລານົນ ນາຍົກລັດຖະມົນຕີໄທກ່າວວ່າ ຈະມອບສິດທາງການເມືອງຄືນໃຫ້ແກ່ປະຊາຊົນໂດຍໄວ
cri
ຕາມຂ່າວ ＣＲＩ: ວັນທີ 24 ມັງກອນນີ້, ຢູ່ທີ່ບາງກອກ, ທ່ານສຸລາຍຸດ ຈຸລານົນ ນາຍົກລັດຖະມົນຕີໄທກ່າວວ່າຈະມອບສິດທາງການເມືອງຄືນໃຫ້ແກ່ປະຊາຊົນໂດຍໄວ.
ມື້ດຽວກັນ, ທ່ານສຸລະຍຸດແມ່ນໃຫ້ທັດສະນະດັ່ງກ່າວໃນເວລາກ່າວປາຖະໜາຕໍ່ຕາງໜ້ານັກທຸລະກິດຕ່າງປະເທດກ່ຽວກັບສະຖານະການຂອງໄທໃນປະຈຸບັນ. ທ່ານສຸລະຍຸດກ່າວວ່າ, ລັດຖະບານປະຈຸບັນຈະປະຕິບັດຕາມຄຳໝັ້ນສັນຍາທີ່ວ່າຈະຄອງອຳນາດປີດຽວ, ແລະຈະມອບສິດທາງການເມືອງຄືນໃຫ້ປະຊາຊົນໂດຍໄວ. ທ່ານກ່າວເນັ້ນວ່າ, ການເຄື່ອນໄຫວແຊກແຊງຂອງກອງທະຫານທີ່ເກີດຂຶ້ນໃນວັນທີ 19 ກັນຍາປີກາຍນີ້ແມ່ນການຊັບຊ້ອນແລະການຂ້າມຜ່ານທາງຍຸດທະສາດເທື່ອໜຶ່ງຂອງລັດ, ຈຸດປະສົງແມ່ນເພື່ອກວາດລ້າງຜົນສະທ້ອນຂອງອຳນາດການປົກຄອງຊຸດກ່ອນທີ່ມີບັນຫາສໍ້ລາດບັງຫຼວງ.
ທ່ານສຸລະຍຸດຍັງເວົ້າວ່າ, ການວາງລັດຖະທຳມະນູນທີ່ສົມບູນຄົບຖ້ວນສະບັບໃໝ່, ຟື້ນຟູຄວາມສາມັກຄີຂອງຊາດ, ບັນລຸຄວາມສະເໝີພາບຂອງສັງຄົມ, ແລະສ້າງລະບົບກົດໝາຍທີ່ໝັ້ນທ່ຽງແລະມີປະສິດທິພາບສູງແມ່ນ 4ເປົ້າໝາຍຂອງວຽກງານການເມືອງໃນປີນີ້ຂອງລັດຖະບານຊຸດປະຈຸບັນ.
|
|
