|
ໂຄສົກກະຊວງການຕ່າງປະເທດຈີນປະກາດບົດວິຈານກ່ຽວກັບພວກຝ່າຍຂວາຍີ່ປຸ່ນຈະຖ່າຍຮູບເງົາເລື່ອງຍີ່ປຸ່ນດຳເນີນການສັງຫານໂຫດຢູ່ນານກິ່ງ
cri
Author: m
ຕາມຂ່າວ ＣＲＩ: ວັນທີ 25 ມັງກອນນີ້, ຢູ່ທີ່ປັກກິ່ງ, ນາງຈ່ຽງອີ ໂຄສົກກະຊວງການຕ່າງປະເທດຈີນເວົ້າວ່າ, ຢາກໃຫ້ຝ່າຍຍີ່ປຸ່ນແກ້ໄຂບັນຫາປະຫວັດສາດໃຫ້ເໝາະສົມດ້ວຍທ່າທີຖືກຕ້ອງແລະຮັບຜິດຊອບ.
ມື້ດຽວກັນ, ໃນກອງປະຊຸມຖະແຫຼງຂ່າວທີ່ຈັດຂຶ້ນເປັນປະຈຳຂອງກະຊວງການຕ່າງປະເທດຈີນ, ນັກຂ່າວຖາມວ່າ, ພວກຝ່າຍຂວາຍີ່ປຸ່ນມີແຜນຈະຖ່າຍທຳຮູບເງົາກ່ຽວກັບການສັງຫານໂຫດຢູ່ເມືອງນານກິ່ງ, ຝ່າຍຈີນມີການວິຈານແນວໃດຕໍ່ເລື່ອງນີ້. ນາງຈ່ຽງອີເວົ້າວ່າ, ຝ່າຍຈີນເຫັນວ່າ, ການສັງຫານໂຫດຢູ່ນານກິ່ງຈິນມີຫຼັກຖານພິຍານອັນຄັກແນ່ຢ່າງຫຼວງຫຼາຍ, ປະຊາຄົມໂລກມີຄຳວິນິໄສແຕ່ມາດົນແລ້ວ, ສະນັ້ນຈຶ່ງຢາກໃຫ້ຝ່າຍຍີ່ປຸ່ນແກ້ໄຂບັນຫາປະຫວັດສາດໃຫ້ເໝາະສົມດ້ວຍທ່າທີຖືກຕ້ອງແລະຮັບຜິດຊອບ, ຈຶ່ງຈະຊ່ອຍໃຫ້ຍີ່ປຸ່ນມີສັດທາຕໍ່ປະເທດອ້ອມຂ້າງຢູ່ອາຊີແລະໃນປະຊາຄົມໂລກ, ທັງສອດຄ່ອງກັບຜົນປະໂຫຍດຂອງຍີ່ປຸ່ນເອງ.
ນາງຈ່ຽງອີເວົ້າວ່າ, ຝ່າຍຈີນເຫັນວ່າ, ການປັບປຸງການພົວພັນລະຫວ່າງປະຊາຊົນສອງປະເທດໃຫ້ດີຂຶ້ນແມ່ນບັນຫາຮ່ວມທີ່ຈີນກັບຍີ່ປຸ່ນປະເຊີນ, ແຕ່ໃດໆມາ, ຝ່າຍຈີນກໍ່ມີເຈດຈຳນົງໃຫ້ "ຖືປະຫວັດສາດເປັນແວ່ນແຍງ, ມຸ່ງໜ້າໄປສູ່ອະນາຄົດ" ຂະຫຍາຍການພົວພັນຮ່ວມມືດ້ວຍໄມຕີຈິດລະຫວ່າງຈີນກັບຍີ່ປຸ່ນ.
|
|
