|
|
 |
| (GMT+08:00)
2007-01-26 12:01:18
|
 |
|
ທູດພິເສດຈີນເຂົ້າຮ່ວມກອງປະຊຸມສາກົນຊ່ວຍເຫຼືອລີບັງ
cri
ຕາມຂ່າວCRI,ກອງປະຊຸມສາກົນຊ່ວຍເຫຼືອລີບັງໄດ້ໄຂຂຶ້ນຢູ່ປາຣີໃນວັນທີ25ມັງກອນນີ້.ຜູ່ແທນທີ່ຮ່ວມປະຊຸມໄດ້ໃຫ້ຄຳໝັ້ນສັນຍາວ່າຈະສະໜອງເງິນບໍລິຈາກແລະເງິນກູ້ດອກເບັ້ຍຕ່ຳທີ່ມີມູນຄ່າ7ຕື້600ລ້ານໂດລາເພື່ອສະໜັບສະໜູນການສ້າງສາຄືນໃໝ່ຂອງລີບັງ.36ປະເທດແລະ10ກວ່າອົງການຈັດຕັ້ງສາກົນໄດ້ສົ່ງຜູ່ຕາງໜ້າເຂົ້າຮ່ວມກອງປະຊຸມ.ທ່ານໂຟອັດ ຊີນິໂອຣາ ນາຍົກລັດຖະມົນຕີລີບັງໄດ້ແນະນຳວຽກງານສ້າງສາຄືນໃໝ່ຫຼັງສົງຄາມແລະແຜນການປະຕິຮູບເສດຖະກິດທີ່ລັດຖະບານວາງອອກໃນຫວ່າງມໍ່ໆນີ້,ເຊິ່ງໄດ້ຮັບຄວາມຍ້ອງຍໍແລະການສະໜັບສະໜູນຈາກຜູ່ແທນທີ່ຮ່ວມປະຊຸມ.ທ່ານຊີນີໂອຣາຍັງໄດ້ສະແດງຄວາມເພິ່ງພໍໃຈທີ່ສຸດຕໍ່ຄວາມຊ່ວຍເຫຼືອທີ່ປະຊາຄົມໂລກໃຫ້ຄຳໝັ້ນສັນຍາໄວ້.
ໃນເວລາປະກອບຄຳຄິດຄຳເຫັນໃນນາມເປັນຜູ່ແທນຝ່າຍຈີນ,ທ່ານຊຸນປີ້ກ້ານ ທູດພິເສດບັນຫາຕາເວັນອອກກາງຂອງຈີນໄດ້ຊີ້ອອກວ່າ,ຈີນມີຄວາມປາຖະໜາຕະຫຼອດມາໃຫ້ປະເທດທີ່ກ່ຽວຂ້ອງໃນພາກພື້ນຕາເວັນອອກກາງຢູ່ບົນພື້ນຖານມະຕິທີ່ກ່ຽວຂ້ອງຂອງສະຫະປະຊາຊາດແລະຫຼັກການ"ເອົາທີ່ດິນແລກປ່ຽນສັນຕິພາບ",ໃຊ້ການເຈລະຈາທາງການເມືອງມາແກ້ໄຂຄວາມຂັດແຍ່ງ,ແລ້ວບັນລຸການຢູ່ຮ່ວມກັນໂດຍສັນຕິ.ທ່ານຊຸນປີ້ກ້ານຍັງປະກາດວ່າ,ຈີນຈະສະໜອງເງິນຊ່ວຍເຫຼືອລ້າ30ລ້ານຢວນໃຫ້ແກ່ລີບັງ.
ນອກນີ້,ຂ່າວແຈ້ງວ່າ,ວັນທີ25ມັງກອນນີ້,ລະຫວ່າງນັກສຶກສາມະຫາວິທະຍາໄລອາລັບເບລຸດທີ່ສະໜັບສະໜູນແລະຄັດຄ້ານລັດຖະບານຊຸດປັດຈຸບັນຂອງລີບັງໄດ້ປະທະກັນດ້ວຍຄວາມຮຸນແຮງ,ຕໍ່ມາ,ປະຊາຊົນທ້ອງຖິ່ນກໍໄດ້ເຂົ້າຮ່ວມການປະທະກັນ,ເຮັດໃຫ້ຫຼາຍສິບຄົນຖືກບາດເຈັບ.ຕໍ່ຈາກນັ້ນ,ຝ່າຍທະຫານລັດຖະບານລີບັງກໍໄດ້ປະກາດພາວະສຸກເສີນຫ້າມສັນຈອນໃນຍາມກາງຄືນຢູ່ນະຄອນຫຼວງເບລຸດ.
|
|
|
