|
ທ້ອງຖິ່ນຕ່າງໆຂອງຈີນຕ້ອງເຮັດໃຫ້ຕົວເມືອງແລະຊົນນະບົດພັດທະນາຢ່າງເປັນເອກະພາບກັນ,ຊຸກຍູ້ໃຫ້ສັງຄົມກົມກຽມກັນ
cri
Author: shuo
ຕາມຂ່າວສານຊິນຮວາ:ຫວ່າງມໍ່ໆນີ້,ທ່ານລໍຮາວໄຊ ຮອງປະທານສະພາປຶກສາການເມືອງປະຊາຊົນແຫ່ງຊາດຈີນກ່າວວ່າ,ທ້ອງຖິ່ນຕ່າງໆຕ້ອງເຮັດໃຫ້ຕົວເມືອງແລະຊົນນະບົດພັດທະນາຢ່າງເປັນເອກະພາບກັນ,ຊຸກຍູ້ໃຫ້ສັງຄົມກົມກຽວກັນ.
ໃນເວລາລົງເຮັດວຽກຢູ່ແຂວງເຊສວນ ພາກຕາເວັນຕົກຂອງຈີນ,ທ່ານລໍຮາວໄຊກ່າວວ່າ, ການພັດທະນາຕົວເມືອງແລະຊົນນະບົດຢ່າງເປັນເອກະພາບກັນແມ່ນເນື້ອໃນສຳຄັນຂອງການພັດທະນາເສດຖະກິດສັງຄົມຂອງຈີນທັງດີທັງໄວ,ແມ່ນຄວາມຮຽກຮ້ອງຕ້ອງການອັນແນ່ນອນແຫ່ງການສ້າງສາສັງຄົມທີ່ອີ່ມໜຳສຳລານລະດັບກາງຢ່າງຮອບດ້ານ,ກໍແມ່ນຊ່ອງທາງທີ່ບັງເກີດຜົນຂອງການແກ້ໄຂບັນຫາກະສິກຳ ຊົນນະບົດແລະຊາວກະສິກອນ.
ທ່ານລໍຮາວໄຊຊີ້ອອກວ່າ,ໃນວຽກງານຕໍ່ໜ້າ,ທ້ອງຖິ່ນຕ່າງໆຕ້ອງວາງເປົ້າໝາຍທີ່ພັດທະ ນາຕົວເມືອງແລະຊົນນະບົດຢ່າງເປັນເອກະພາບກັນ,ພະຍາຍາມຈັດວາງການກໍ່ສ້າງຕົວເມືອງແລະຊົນນະບົດໄປໃນທິດທາງດຽວກັນ;ສືບຕໍ່ປັບປຸງອົງປະກອບເສດຖະກິດຂອງຊົນນະບົດ,ອອກແຮງພັດທະນາກະສິກຳທັນສະໄໝ,ພະຍາຍາມເຮັດໃຫ້ອຸດສາຫະກຳຂອງຕົວເມືອງແລະຊົນນະບົດພັດທະນາຢ່າງເປັນເອກະພາບກັນ;ຕ້ອງເອົາໃຈໃສ່ຈັດວາງການບໍລິການສາທາລະນະຂອງຕົວເມືອງແລະຊົນນະບົດຢ່າງເປັນເອກະພາບກັນ,ປັບປຸງລະບົບປະກັນສັງຄົມຂອງຊົນນະບົດໃຫ້ສົມບູນຂຶ້ນ,ພະຍາຍາມເຮັດໃຫ້ສັງຄົມຕົວເມືອງແລະຊົນນະບົດພ້ອມກັນກ້າວໄປໜ້າ.
|
|
