|
|
 |
| (GMT+08:00)
2007-01-26 12:27:32
|
 |
|
ຜູ້ນຳປາເລັດສະຕິນແລະອິດສະລະແອນຍິນດີເຈລະຈາຊຸກຍູ້ຂະບວນການສັນຕິພາບ
cri
Author: shuo
ຕາມຂ່າວສານຊິນຮວາ:ວັນທີ25ມັງກອນນີ້,ທ່ານມາມຸດ ອັບບາສ ປະທານອົງການອຳ ນາດແຫ່ງຊາດປາເລັດສະຕິນ ທ່ານໄຊມ້ອນ ເປເລັສ ຮອງນາຍົກລັດຖະມົນຕີອິດສະລະແອນພ້ອມດ້ວຍນາງຊິປີ ລິບນີ ລັດຖະມົນຕີກະຊວງການຕ່າງປະເທດອິດສະລະແອນໄດ້ພ້ອມກັນເຂົ້າຮ່ວມກອງປະຊຸມປະຈຳປີຂອງເວທີປຶກສາຫາລືເສດຖະກິດໂລກທີ່ຈັດຂຶ້ນຢູ່ດາວົສຂອງສວິສ,ສອງຝ່າຍລ້ວນແຕ່ກ່າວວ່າ,ຍິນດີເລີ່ມຈັດການເຈລະຈາຢ່າງຕັ້ງໜ້າເພື່ອຊຸກຍູ້ຂະບວນການສັນຕິພາບ.
ໃນກອງປະຊຸມທີ່ມີຫົວຂໍ້ສະຖານະການປາເລັດສະຕິນອິດສະລະແອນທີ່ຈັດຂຶ້ນໃນວັນທີ 25ມັງກອນນີ້,ທ່ານອັບບາສເວົ້າວ່າ,ປາເລັດສະຕິນກຽມພ້ອມຈັດການເຈລະຈາຢ່າງຕັ້ງ ໜ້າກັບລັດຖະບານອິດສະລະແອນໃນທຸກເວລາ.ທ່ານເວົ້າວ່າ,ການປະທະກັນລະຫວ່າງປາເລັດສະຕິນກັບອິດສະລະແອນແມ່ນການປະທະກັນໜຶ່ງທີ່ຮຸນແຮງກວ່າໝູ່ໃນໂລກ, ຕ້ອງການແຜນການແກ້ໄຂຢ່າງຮີບດ່ວນ.ປາເລັດສະຕິນແລະອິດສະລະແອນຄວນອີງຕາມແຜນການເສັ້ນທາງສັນຕິພາບ,ຄວນເລີ່ມແລະສຳເລັດຂະບວນການສັນຕິພາບດ້ວຍຄວາມຈິງໃຈຫຼາຍທີ່ສຸດ.
ນາງລິບນີກ່າວວ່າ,ຍິນດີເຈລະຈາກັບຝ່າຍປາເລັດສະຕິນ,ເພື່ອປຶກສາຫາລືຄວາມອາດສາມາດເປັນໄປໄດ້ທີ່ຊຸກຍູ້ຂະບວນການສັນຕິພາບໃຫ້ມີການຄືບໜ້າ,ແຕ່ອິດສະແອນແລະປາເລັດສະຕິນຈະຫຼີກລ່ຽງບັນຫາແລະການທ້າທາຍທີ່ມີຢູ່ໃນປະຈຸບັນນັ້ນບໍ່ໄດ້,ຖ້າຢາກເຮັດໃຫ້ຂະບວນການສັນຕິພາບໄດ້ຮັບໝາກຜົນ,ສອງຝ່າຍຕ້ອງການທຳການຕົກລົງທີ່ຫຍຸ້ງຍາກລຳບາກ.
|
|
|
