|
ປີ 2007, ປັກກິ່ງຈະປັບປຸງຂະແໜງການສິ້ນເບືອງພະລັງງານຫຼາຍແລະສ້າງມົນລະພິດແກ່ສິ່ງແວດລ້ອມຫຼາຍ
cri
Author: m
ຕາມຂ່າວສານຊິ່ນຮວາ: ວັນທີ 26 ມັງກອນນີ້, ທ່ານວາງສີຊ່ານ ເຈົ້າຄອງກຳແພງນະຄອນປັກກິ່ງເວົ້າວ່າ, ປີ 2007, ປັກກິ່ງຈະອອກແຮງຊຸກຍູ້ວຽກງານປະຢັດພະລັງງານແລະຫຼຸດການສິ້ນເປືອງພະລັງງານ, ເດັດດ່ຽວປັບປຸງຂະແໜງການທີ່ສິ້ນເປືອງພະລັງງານຫຼາຍແລະສ້າງມົນລະພິດແກ່ສິ່ງແວດລ້ອມຫຼາຍ.
ໃນກອງປະຊຸມສະພາຜູ້ແທນປະຊາຊົນຄັ້ງທີ 5 ສະໄໝທີ 12 ຂອງປັກກິ່ງທີ່ຈັດຂຶ້ນໃນວັນທີ 26 ມັງກອນນີ້. ທ່ານວາງສີຊ່ານເວົ້າວ່າ, ປີ 2007, ປັກກິ່ງຈະພະຍາຍາມເຮັດໃຫ້ອັດຕາສິ້ນເປືອງພະລັງງານແລະນ້ຳໃນຍອດມູນຄ່າການຜະລິດແຕ່ລະໝື່ນຢວນຫຼຸດລົງ 5% ເມື່ອທຽບໃສ່ໄລຍະດຽວກັນຂອງປີກາຍນີ້. ປັກກິ່ງຈະຍົກຍ້າຍບໍລິສັດເຫຼັກກ້ານະຄອນຫຼວງໃຫ້ດີ, ສືບຕໍ່ກວດກາສັບຊ້ອນບໍ່ຖ່ານຫີນຕໍ່ໄປ, ພ້ອມກັນນັ້ນ, ກໍເພີ່ມທະວີການຕິດຕາມຂໍ້ມູນສິ້ນເປືອງພະລັງງານ, ປັບປຸງລະບົບຕິດຕາມກວດກາກວດສອບການປະຢັດແລະຫຼຸດການສິ້ນເປືອງພະລັງງານຂອງວິສາຫະກິດໃຫຍ່.
ຕາມສະຖິຕິເປື້ອງຕົ້ນ, ຍອດມູນຄ່າການຜະລິດສະເລ່ຍຕາມຫົວຄົນຂອງປັກກິ່ງໃນປີ 2006 ໄດ້ເລື່ອນກາຍ 6000 ໂດລາ, ໃນນັ້ນ, ອັດຕາຂອງຂະແໜງການອຸດສາຫະກຳຈໍລະຈອນແລະບໍລິການບັນລຸ 70%.
|
|
