|
|
 |
| (GMT+08:00)
2007-01-27 21:02:13
|
 |
|
ສິບສອງພັ່ນນາຈະສ້າງກົດໝາຍອະນຸລັກເຮືອນຍົກພື້ນຂອງເຜົ່າໄຕລື້
cri
Author: cai
ຕາມຂ່າວສານຊີນຮວາ:ຫວ່າງມໍ່ໆນີ້,ຄະນະປະຈຳສະພາປະຊາຊົນກິ່ງແຂວງປົກຄອງຕົນເອງສິບສອງພັ່ນນາເຜົ່າໄຕລື້ແຂວງຢູນນານຈີນເຜີຍໃຫ້ຮູ້ວ່າ,ເຂດສິບສອງພັ່ນນາພວມສ້າງ"ຂໍ້ກຳນົດກ່ຽວກັບການອະນຸລັກວັດທະນະທຳສິ່ງກໍ່ສ້າງດັ້ງເດີມຂອງຊົນເຜົ່າ",ເພື່ອອະນຸລັກເຮືອນຍົກພື້ນຂອງເຜົ່າໄຕລື້ທີ່ເປັນສັນຍາລັກຂອງວັດທະນະທຳຊົນເຜົ່າເຂດສິບສອງພັ່ນນາ,ກະວ່າ,ປີ 2008 ຈະຖືກຮັບຮອງແລະຈັດຕັ້ງປະຕິບັດ.
ຕາມສະເໜີໃຫ້ຮູ້ວ່າ,ຂໍ້ກຳນົດດັ່ງກ່າວຈະສ້າງຢູ່ບົນພື້ນຖານສະພາບຕົວຈິງຂອງການພັດທະນາເສດຖະກິດສັງຄົມຢ່າງບໍ່ຢຸດຢັ້ງແລະລະດັບຊີວິດການເປັນຢູ່ຂອງປະຊາຊົນທ້ອງຖິ່ນໄດ້ສູງຂຶ້ນຢ່າງບໍ່ຢຸດຢັ້ງ,ໄດ້ກຳນົດຫຼັກການ ຂອບເຂດ ພາກສ່ວນຄຸ້ມຄອງ ແຫຼ່ງຄ່າໃຊ້ຈ່າຍແລະອື່ນໆໃນການອະນຸລັກເຮືອນຍົກພື້ນຂອງເຜົ່າໄຕລື້ຢ່າງຈະແຈ້ງ,ແລ້ວຮັບປະກັນໃຫ້ວັດທະນະທຳສິ່ງກໍ່ສ້າງດັ້ງເດີມກໍ່ຄືເຮືອນຍົກພື້ນຂອງເຜົ່າໄຕລື້ຈະໄດ້ຮັບການອະນຸລັກໃນການພັດທະນາ,ແລະຮັບການພັດທະນາໃນການອະນຸລັກ.
ເຮືອນຍົກພື້ນຂອງເຜົ່າໄຕລື້ແມ່ນເຮືອນຢູ່ດັ້ງເດີມຂອງເຜົ່າໄຕລື້ເຂດສິບສອງພັ່ນນາ,ສ້າງດ້ວຍໄມ້ໄຜ່ເປັນຕົ້ນຕໍ,ມີການອອກແບບທີ່ກຳນົດໄວ້.
|
|
|
