|
|
 |
| (GMT+08:00)
2007-01-31 11:01:02
|
 |
|
ອາເມລິກາກັບສ.ປ.ປ.ເກົາຫຼີຫາລືກັນກ່ຽວກັບບັນຫາການທະນາຄານຢູ່ປັກກິ່ງ
cri
Author: cai
ຕາມຂ່າວສານຊີນຮວາ:ຕອນບ່າຍວັນທີ 30 ມັງກອນນີ້,ການຫາລືກັນກ່ຽວກັບບັນຫາການທະນາຄານລະຫວ່າງອາເມລິກາກັບສ.ປ.ປ.ເກົາຫຼີໄດ້ຈັດຂຶ້ນຢູ່ສະຖານທູດອາເມລິກາປະຈຳຈີນ.ທ່ານດານນີວ ກຼາເຊີ ຜູ້ແທນຝ່າຍອາເມລິກາ ຜູ້ຊ່ວຍລັດຖະມົນຕີຊ່ວຍວ່າການກະຊວງການເງິນອາເມລິກາເວົ້າວ່າ,ໃນການຫາລື,ສອງຝ່າຍໄດ້ແລກປ່ຽນຄວາມເຫັນກ່ຽວກັບບັນຫາການທະນາຄານ.
ຕອນຄ່ຳມື້ດຽວກັນ,ທ່ານກຼາເຊີໃຫ້ສຳພາດຕໍ່ນັກຂ່າວວ່າ,ໝາກຜົນການຫາລືໃນມື້ດຽວກັນນີ້,ອັນໜຶ່ງແມ່ນສອງຝ່າຍໄດ້ຕົກລົງສ້າງຂອບການສົນທະນາ,ນີ້ຈະເຮັດໃຫ້ສອງຝ່າຍສາມາດຫາລືກັນຕື່ມອີກກ່ຽວກັບບັນຫານີ້ໃນຫຼາຍມື້ຕໍ່ໜ້ານີ້.ທ່ານກຼາເຊີເວົ້າວ່າ,ຕາມຄວາມຮຽກຮ້ອງຂອງຝ່າຍສ.ປ.ປ.ເກົາຫຼີ,ວັນທີ 31 ມັງກອນນີ້,ສອງຝ່າຍຈະຫາລືກັນອີກຢູ່ສະຖານທູດສ.ປ.ປ.ເກົາຫຼີປະຈຳຈີນ.
ຄະນະຜູ້ແທນສ.ປ.ປ.ເກົາຫຼີທີ່ນຳໂດຍທ່ານໂອຄວາງໂຈ ຜູ້ອຳນວຍການທະນາຄານການຄ້າສ.ປ.ປ.ເກົາຫຼີໄດ້ເດີນທາງມາຮອດປັກກິ່ງໃນຕອນເຊົ້າວັນທີ 30 ມັງກອນນີ້.
ມື້ດຽວກັນ,ທ່ານນາງຈ່ຽງຢູ ໂຄສົກກະຊວງການຕ່າງປະເທດຈີນເຄີຍເວົ້າວ່າ,ຝ່າຍຈີນບໍ່ເຂົ້າຮ່ວມການຫາລືກັນກ່ຽວກັບບັນຫາການທະນາຄານລະຫວ່າງອາເມລິກາກັບສ.ປ.ປ.ເກົາຫຼີ.ຜູ້ຊ່ຽວຊານວິເຄາະວ່າ,ການຫາລືກັນກ່ຽວກັບບັນຫາການທະນາຄານເທື່ອນີ້ພວມພະຍາຍາມກຳຈັດສິ່ງກີດຂວາງໃຫ້ການເຈລະຈາ 6 ຝ່າຍ.
|
|
|
