|
|
 |
| (GMT+08:00)
2007-02-02 15:56:03
|
 |
|
ທ່ານຫູຈິນທາວເດີນທາງໄປຮອດກາຕູມເພື່ອເລີ່ມຢ້ຽມຢາມຊູດັງ
cri
ຕາມຂ່າວCRI, ໃນຕອນເຊົ້າວັນທີ2ກຸມພານີ້ ໂດຍຕອບສະໜອງຕາມຄຳເຊີນຂອງທ່ານອານ ບາເຊີ ປະທານາທິບໍດີຊູດັງ, ທ່ານຫູຈິນທາວ ປະທານປະເທດຈີນໄດ້ເດີນທາງໄປຮອດກາຕູມ ນະຄອນຫຼວງຊູດັງ,ເພື່ອເລີ່ມຢ້ຽມຢາມທາງລັດຖະກິດ.
ນີ້ແມ່ນປະມຸກລັດຈີນຢ້ຽມຢາມຊູດັງເປັນເທື່ອທຳອິດ.ທ່ານອານບາເຊີ ປະທານາທິບໍດີຊູດັງໄດ້ໄປຕ້ອນຮັບຢູ່ສະໜາມບິນແລະຈັດພິທີຕ້ອນຮັບຢ່າງເປັນທາງການ.ຢູ່ສະໜາມບິນ,ເຈົ້າໜ້າທີ່ຈີນທີ່ຕິດຕາມຄະນະຜູ່ແທນໄດ້ແຈກຢາຍບົດຄຳປາໄສຂອງທ່ານຫູຈິນທາວທີ່ມີເນື້ອໃນວ່າ,ນັບແຕ່ຈີນແລະຊູດັງສ້າງສາຍສຳພັນທາງການທູດ48ປີມານີ້,ການພົວພັນລະຫວ່າງສອງປະເທດໄດ້ຂະຫຍາຍຕົວຢ່າງບໍ່ຢຸດຢັ້ງ,ໄດ້ຮັບຜົນສຳເລັດອັນອຸດົມສົມບູນໃນການຮ່ວມມືຢ່າງມີໄມຕີຈິດໃນຂົງເຂດຕ່າງໆເຊັ່ນການເມືອງ,ເສດຖະກິດການຄ້າ,ວັດທະນະທຳ,ການສຶກສາແລະສາທາລະນະສຸກເປັນຕົ້ນ,ໃນວຽກງານລະຫວ່າງຊາດ,ສອງປະເທດໄດ້ແລກປ່ຽນຄວາມເຫັນກັນແລະປະສານສົມທົບກັນຢ່າງໃກ້ຊິດ.ທ່ານເຊື່ອວ່າ,ການຢ້ຽມຢາມເທື່ອນີ້ຍ່ອມຈະເພີ່ມທະວີມິດຕະພາບອັນເປັນມູນເຊື້ອລະຫວ່າງສອງປະເທດ,ຊຸກຍູ້ການພົວພັນໄມຕີຈິດແລະການຮ່ວມມືລະຫວ່າງສອງປະເທດກ້າວຂຶ້ນສູ່ລະດັບໃໝ່.
ໃນໄລຍະຢ້ຽມຢາມຊູດັງ,ທ່ານຫູຈິນທາວຈະພົບປະເຈລະຈາກັບທ່ານປະທານາທິບໍດີອານບາເຊີ,ແລະພົບປະກັບທ່ານຊານວາຄີ ຮອງປະທານາທິບໍດີຜູ່ທີໜຶ່ງແລະທ່ານ ຕາຮາ ຮອງປະທານາທິບໍດີຂອງຊູດັງ,ເພື່ອແລກປ່ຽນຄວາມເຫັນກ່ຽວກັບການພົວພັນລະຫວ່າງສອງປະເທດແລະບັນຫາສຳຄັນຕ່າງໆທີ່ສົນໃຈຮ່ວມກັນ.
|
|
|
