|
ປີນີ້ ຈີນຈະພະຍາຍາມເຮັດໃຫ້ເນື້ອທີ່ປູກທັນຍາຫານບໍ່ຫລຸດຫນ້ອຍລົງ
cri
Author: sayvanny
ຕາມຂ່າວສານຊີນຮວາ: ປີນີ້, ຈີນຈະພະຍາຍາມເຮັດໃຫ້ເນື້ອທີ່ປູກທັນຍາຫານໃຫ້ຫລາຍກວ່າ 105 ລ້ານເຮັກຕາ,ພ້ອມກັນນັ້ນ,ຈະອອກແຮງຍົກຜົນຜະລິດຂອງທັນຍາຫານໃຫ້ສູງຂຶ້ນ, ປັບປຸງແນວພັນທັນຍາຫານແລະຄຸນນະພາບໃຫ້ດີຂຶ້ນ.
ນີ້ແມ່ນເນື້ອໃນຂອງເອກະສານທີ່ຊີ້ນຳວຽກງານກະສິກຳແລະຊົນນະບົດສະບັບຫນຶ່ງທີ່ຂັ້ນນຳສູງສຸດຂອງຈີນປະກາດໃນຫວ່າງມໍ່ໆນີ້.
ເອກະສານນີ້ຂຽນວ່າ, ຈີນຈະສືບຕໍ່ຊຸກຍູ້ການກໍ່ສ້າງແຖບອຸດສາຫະກຳທີ່ມີທ່າດີໃນການປູກທັນຍາຫານ,ອອກແຮງຄ້ຳຊູການປຸງແຕ່ງທັນຍາຫານ,ສະຫນັບສະຫນູນເຂດຜະລິດທັນຍາຫານສຳຄັນຜະລິດທັນຍາຫານແລະຊຸກຍູ້ໃຫ້ເສດຖະກິດເຕີບໂຕ,ໃນເວລາຈັດວາງເງິນທຶນແລະໂຄງການ ກໍ່ສ້າງຊົນລະປະທານ ປັບປຸງນາທີ່ມີຜົນຜະລິດຜ້ານກາງແລະຕ່ຳ,ແລະປຸງແຕ່ງຜະລິດຕະພັນກະສິກນັ້ນ,ຕ້ອງໃຫ້ບູລິມະສິດແກ່ເຂດຜະລິດທັນຍາຫານສຳຄັນ.
ປີ 2006, ຜົນຜະລິດທັນຍາຫານຂອງຈີນໄດ້ຫລາຍກວ່າ 490 ລ້ານໂຕນ,ຫລາຍກວ່າປີກ່ອນປະມານ 6 ລ້ານໂຕນ,ນີ້ແມ່ນປີທີສາມທີ່ຜົນຜະລິດທັນຍາຫານຂອງຈີນເພີ່ມຂຶ້ນຢ່າງລຽນຕິດ.
|
|
