|
ລົດຍົນລະເບີດຢູ່ແບກແດດເຮັດໃຫ້ 300 ກວ່າຄົນເສຍຊີວິດແລະບາດເຈັບ
cri
Author: m
ຕາມຂ່າວ CRI: ວັນທີ 3 ກຸມພານີ້, ໃນຕະຫຼາດແຫ່ງໜຶ່ງຂອງແບກແດດ ນະຄອນຫຼວງອີຣັກໄດ້ເກີດເຫດການລົດຍົນລະເບີດ, ນັບມາຮອດປະຈຸບັນ, ຢ່າງໜ້ອຍໄດ້ເຮັດໃຫ້ 120 ຄົນເສຍຊີວິດ, 200 ຄົນຖືກບາດເຈັບ.
ຕອນຫົວຄ່ຳມື້ດຽວກັນ, ລົດບັນທຸກສິນຄ້າຄັນໜຶ່ງຢູ່ຕະຫຼາດຊາດຼີຢາຢູ່ໃຈກາງເມືອງແບກແດດລະເບີດຂຶ້ນໃນທັນທີ, ເຮັດໃຫ້ຫຼາຍຄົນເສຍຊີວິດແລະບາດເຈັບ. ຜູ້ໄດ້ເຫັນກັບຕາເວົ້າວ່າ, ຍ້ອນວ່າເວລານັ້ນ, ຄົນໃນຕະຫຼາດມີຫຼວງຫຼາຍ.
ວັນທີ 3 ກຸມພານີ້, ທຳນຽບຂາວຂອງອາເມລິກາໄດ້ອອກຖະແຫຼງການ, ກ່າວປະນາມຢ່າງຮຸນແຮງຕໍ່ເຫດການໂຈມຕີດ້ວຍລົດຍົນລະເບີດທີ່ເກີດຂຶ້ນຢູ່ແບກແດດໃນມື້ດຽວກັນ, ແລະກ່າວວ່າ, ນີ້ແມ່ນ "ທາລຸນກຳ" ທີ່ແນໃສ່ສາມັນຊົນອີກເທື່ອໜຶ່ງທີ່ເກີດຂຶ້ນຢູ່ອີຣັກ.
ວັນທີ 4 ກຸມພານີ້,ເຢຍລະມັນເຊິ່ງເປັນປະເທດປະທານຕາມຮອບໝູນວຽນຂອງສະຫະພາບເອີລົບໄດ້ອອກຖະແຫຼງການ,ກ່າວປະນາມຢ່າງຮຸນແຮງຕໍ່ເຫດການຫຼອນໂຈມຕີດ້ວຍການລະເບີດລົດຍົນແບບສະຫຼະຊີບດັ່ງກ່າວ.
|
|
