|
ສະບາຍດີທ່ານຜູ້ຟັງ, ຍິນດີຕ້ອນຮັບທ່ານຮັບຟັງລາຍການວັດທະນະທຳຈີນ. ສາສະດາຈານຈິ່ນຢວນພູ ອາຍຸ 56 ປີແມ່ນນັກປາດທີ່ມີຊື່ສຽງໃນຂົງເຂດຄົ້ນຄວ້າອຸດສາຫະກຳວັດທະນະທຳ. ໃນຫຼາຍປີມານີ້, ທ່ານໄດ້ຕັ້ງໃຈຄົ້ນຄວ້າໂອກາດທີ່ງານກິລາໂອລິມປິກປັກກິ່ງປີ 2008 ນຳມາໃຫ້ອຸດສາຫະກຳວັດທະນະທຳຈີນ, ໄດ້ເກີດຜົນສະທ້ອນຫຼາຍໃນວົງການວິຊາການແລະອຸດສາຫະກຳ. ຕໍ່ໄປເຊີນຟັງລາຍລະອຽດ.
ທ່ານຈິ່ນຢວນພູແມ່ນສາສະດາຈານສຸນທອນວິທະຍາຂອງມະຫາວິທະຍາໄລປະຊາຊົນຈີນ. ແຕ່ປີ 1990 ເປັນຕົ້ນມາ, ຄຽງຄູ່ກັບອຸດສາຫະກຳວັດທະນະທຳຈີນຈະເລີນຂຶ້ນ, ຈິ່ນຢວນພູໄດ້ເອົາໃຈໃສ່ການຄົ້ນຄວ້າອຸດສາຫະກຳໃໝ່ນີ້. ທ່ານແມ່ນນັກປາດຜູ້ໜຶ່ງທີ່ແນະນຳທິດສະດີແລະຜຶດຕິກຳຂອງອຸດສາຫະກຳວັດທະນະທຳຕ່າງປະເທດເຂົ້າມາຈີນ. ຫຼັງຈາກນັ້ນ, ທ່ານໄດ້ດຳລົງຕຳແໜ່ງຫົວໜ້າສະຖາບັນຄົນຄວ້າປະດິດຄິດແຕ່ງວັດທະນະທຳຂອງມະຫາວິທະຍາໄລປະຊາຊົນຈີນ, ໄດ້ເລັ່ງສາຍຕາໃສ່ຫົວຂໍ້ຄົ້ນຄວ້າສີສັນອຸດສາຫະກຳວັດທະນທຳຈີນເປັນຕົ້ນ, ໄດ້ພິມຈຳໜ່າຍບົດປະພັນຫຼາຍສະບັບ. ເມື່ອກ່າວເຖິງຕົນເອງປ່ຽນຈາກການຄົ້ນຄວ້າສຸນທອນວິທະຍາກາຍເປັນການຄົ້ນຄວ້າອຸດສາຫະກຳວັດທະນະທຳ, ທ່ານຈິ່ນຢວນພູເວົ້າວ່າ:
"ໃນເວລາແນະນຳສຸນທອນວິທະຍາເຂົ້າໃນຈີນ, ຂ້າພະເຈົ້າກໍໄດ້ປະກົນເຫັນແລ້ວວ່າ, ຄົນຝ່າຍຕາເວັນຕົກໃນເວລາຮັບເອົາສຸນທອນວິທະຍາກໍໄດ້ພິຈາລະນາເຖິງສະພາບການໜຶ່ງຄືການພົວພັນລະຫວ່າງສຸນທອນວິທະຍາສາມັນຫຼືເວົ້າວ່າສິລະປະສາມັນຈະເລີນຂຶ້ນກັບວັດທະນະທຳທີ່ນິຍົມກັນຫຼາຍ. ໃນຕົ້ນຊຸມປີ 1990, ຈີນເລີ່ມມີອຸດສາຫະກຳວັດທະນະທຳ, ເວລານັ້ນ, ຂ້າພະເຈົ້າກໍໄດ້ເຂົ້າຮ່ວມການຄົ້ນຄວ້າວັດທະນະທຳສາມັນເບື້ອງຕົ້ນ. ຈົນຮອດມື້ນີ້, ຂ້າພະເຈົ້າເອົາໃຈໃສ່ອຸດສາຫະກຳປະດິດຄຶດແຕ່ງວັດທະນະທຳ, ສະເໜີອຸດສາຫະກຳວັດທະນະທຳປະດິດຄຶດແຕ່ງໃຫ້ຈີນ, ກໍແມ່ນເລີ່ມແຕ່ອຸດສາຫະກຳວັດທະນະທຳ."
ປີ 2000, ມະຫາວີທະຍາໄລປະຊາຊົນຈີນໄດ້ສ້າງສູນຄົ້ນຄວ້າໂອລິມປິກມະນຸດສາດ. ທ່ານຈິ່ນຢວນພູເປັນຫົວໜ້າປະຕິບັດງານ. ທ່ານເຫັນວ່າ, ງານກິລາໂອລິມປິກແມ່ນງານແຂ່ງຂັນທີ່ປະຈັກຕາທົ່ວໂລກ, ຄວາມໝາຍຂອງມັນບໍ່ຈຳກັດແຕ່ເປັນກິລາແລ້ວ. ສະນັ້ນ, ທ່ານໄດ້ສະເໜີແນວຄວາມຄຶດທີ່ວ່າ:"ໂລກໃຫ້ຂ້ອຍ 16 ມື້, ຂ້ອຍສົ່ງຄືນໃຫ້ໂລກ 5 ພັນປີ", ຫວັງໃຫ້ນະຄອນປັກກິ່ງກຳໂອກາດຈັດງານກິລາໂອລິມປິກໃຫ້ດີ, ຊຸກຍູ້ການສ້າງສາໃນດ້ານຕ່າງໆເຊັ່ນວັດທະນະທຳແລະສັງຄົມເປັນຕົ້ນ. ທ່ານຈິ່ນຢວນພູເວົ້າວ່າ: 
"ຂ້າພະເຈົ້າເຫັນວ່າ, ງານກິລາໂອລິມປິກໄດ້ນຳເອົາໂອກາດໜຶ່ງມາໃຫ້ພວກເຮົາ, ແລະນຳມາໃຫ້ປັກກິ່ງ, ພວກເຮົາເອີ້ນວ່າ"ໂລກໃຫ້ເຮົາ 16 ມື້, ເຮົາສົ່ງຄືນໃຫ້ໂລກ 5 ພັນປີ", ຕົ້ນຕໍຢາກສະແດງວັດທະນະທຳທີ່ກວ້າງເລິກໄພສານຂອງຈີນ. ຜ່ານງານກິລາໂອລິມປິກເທື່ອນີ້ມາສະແດງປັກກິ່ງວັດທະນະທຳ ປັກກິ່ງປະດິດຄຶດແຕ່ງ, ລວມທັງໂສມໜ້າປັກກິ່ງໃໝ່. ພ້ອມກັນນັ້ນ, ກໍຊົມເຊີຍຄົນຕ່າງປະເທດໃນໂລກມາເຜີຍແຜ່ວັດທະນະທຳຂອງພວກເຂົາເຈົ້າ, ແລກປ່ຽນເຊິ່ງກັນແລະກັນ, ນຳເອົາຈິດໃຈວັດທະນະທຳຂອງພວກເຂົາເຈົ້າມາ, ນຳເອົາຮີດຄອງປະເພນີຂອງເຂົາເຈົ້າມາ, ນຳເອົາສິລະປະແລະໂສມໜ້າຈິດໃຈຂອງພວກເຂົາເຈົ້າມາ. ເວົ້າໃນດ້ານນີ້ແລ້ວ, ຂ້າພະເຈົ້າເຫັນວ່າ, ງານກິລາໂອລິມປິກປັກກິ່ງແມ່ນໂອກາດດີກວ່າໝູ່ທີ່ສະແດງວັດທະນະທຳ, ແມ່ນສະຖານທີ່ແລກປ່ຽນວັດທະນະທຳຂອງບັນດາປະເທດໃນໂລກເຊິ່ງກັນແລະກັນ."
ແນວຄວາມຄຶດຂອງທ່ານຈິ່ນຢວນພູໄດ້ຮັບຄວາມເອົາໃຈໃສ່ຈາກອົງການປົກຄອງປັກກິ່ງ, ຂໍ້ສະເໜີຫຼາຍຂໍ້ຂອງທ່ານກໍໄດ້ຖືກພາກສ່ວນທີ່ກ່ຽວຂ້ອງຂອງອົງການປົກຄອງຮັບເອົາ, ນີ້ເຮັດໃຫ້ທ່ານຈິ່ນຢວນພູດີໃຈຫຼາຍ.
ແຕ່ປີ 2003 ເປັນຕົ້ນມາ, ອົງການຂອງທ່ານຈິ່ນຢວນພູໄດ້ຈັດເວທີປຶກສາຫາລືໂອລິມປິກສາກົນ 4 ປີລຽນຕິດ, ໄດ້ເຊີນນັກປາດແລະຜູ້ຊ່ຽວຊານຂອງຈີນແລະຕ່າງປະເທດສະເໜີຂໍ້ສະເໜີໃຫ້ງານກິລາໂອລິມປິກປັກກິ່ງປີ 2008. ທ່ານຈິ່ນຢວນພູເຫັນວ່າ, ນີ້ກໍແມ່ນໂອກາດດີທີ່ສະແດງເນື້ອໃນວັດທະນະທຳອັນເລິກເຊິ່ງຂອງຈີນ, ແລະຖອດຖອນວັດທະນະທຳຂອງປະເທດຕ່າງໆໃນໂລກ. ແຕ່ທ່ານຍັງເຫັນວ່າບໍ່ພໍ, ທ່ານຍັງຢາກໃຫ້ເຜີຍແຜ່ຄວາມຮູ້ແລະທັດສະນະຄະຕິຂອງງານກິລາໂອລິມປິກທີ່ກ່ຽວຂ້ອງໃນສາທາລະນະຊົນ. ສະນັ້ນ, ທ່ານຕັ້ງໜ້າເຂົ້າຮ່ວມການເຄື່ອນໄຫວສາທາລະນະປະໂຫຍດຈຳນວນໜຶ່ງ, ຮ່ວມມືກັບວິສາຫະກິດ ອົງການລັດຖະບານ ແລະມະຫາວິທະຍາໄລ, ຈັດການເຄື່ອນໄຫວຕ່າງໆເຊັ່ນ ອົບຮົມຜູ້ອາສາສະໝັກຂອງງານໂອລິມປິກ, ເຜີຍແຜ່ຈິດໃຈໂອລິມປິກແລະອົບຮົມສະຕິຂອງສາມັນຊົນເປັນຕົ້ນ, ພະຍາຍາມສ້າງສະພາບແວດລ້ອມມະນຸດສາດໃຫ້ງານກິລາໂອລິມປິກປັກກິ່ງ.
ໃນຖານະເປັນນັກປາດທີ່ຄົ້ນຄວ້າອຸດສາຫະກຳວັດທະນທຳຈີນເປັນເວລາຍາວນານ, ໃນຫຼາຍປີມານີ້, ລັດຖະບານຈີນອອກແຮງອຸ້ມຊູອຸດສາຫະກຳວັດທະນະທຳຈີນ, ອຸດສາຫະກຳວັດທະນະທຳຈີນພັດທະນາຢ່າງວ່ອງໄວ, ນີ້ໄດ້ເຣັດໃຫ້ທ່ານຈິ່ນຢວນພູສະດຸ້ງໃຈຫຼາຍ. ທ່ານເວົ້າວ່າ, ທ່ານເອງດີໃຈທີ່ໄດ້ເຫັນການປ່ຽນແປງຂອງການພັດທະນາດັ່ງກ່າວ. ພ້ອມກັນນັ້ນ, ທັດສະນະຄະຕິແລະຄວາມເຄັ່ງຄັດຂອງນັກປາດກໍໄດ້ເຮັດໃຫ້ທ່ານໄດ້ເຫັນບັນຫາຈຳນວນໜຶ່ງ. ທ່ານໄດ້ຮຽກຮ້ອງຢ່າງເປີດເຜີຍຫຼາຍເທື່ອວ່າ, ຫວັງໃຫ້ອົງການປົກຄອງລັດຖະບານຮັກສາການຄາດຄະເນຢ່າງຊັດເຈນແລະການຕັດສິນໃຈຕາມຫຼັກວິທະຍາສາດຕໍ່ອຸດສາຫະກຳວັດທະນະທຳທີ່ພັດທະນາຢ່າງວ່ອງໄວ, ແຫ່ງຕ່າງໆໃນທົ່ວປະເທດພັດທະນາອຸດສາຫະກຳວັດທະນທຳກໍຕ້ອງອິງຕາມສະພາບຕົວຈິງ, ບໍ່ໃຫ້ເຮັດຢ່າງຫຼັບຫູຫຼັບຕາ. ທ່ານເວົ້າວ່າ:
"ເຖິງວ່າອຸດສາຫະກຳປະດິດຄຶດແຕ່ງວັດທະນະທຳຖືກນິຍົມກັນຫຼາຍຢູ່ຈີນ, ແຕ່ຍັງຄວນເຫັນວ່າ, ປະເທດເຮົາຍັງແມ່ນປະເທດທີ່ຖືຂະແໜງການກໍ່ສ້າງເຫັນຫຼັກ, ເອົາອຸດສາຫະກຳທີສອງເປັນຫຼັກ. ພວກເຮົາຕ້ອງເຫັນທ່ວງທ່າພື້ນຖານດັ່ງກ່າວນີ້, ສະນັ້ນ, ຫຼາຍທ້ອງຖິ່ນຍັງຕ້ອງເຮັດວຽກອຸດສາຫະກຳທີສອງແລະຂະແໜງການກໍ່ສ້າງຢ່າງຫຼວງຫຼາຍ, ໃນຂະແໜງການບໍລິການຂອງອຸດສາຫະກຳທີສາມ, ການພັດທະນາເຕັກນິກສູງປະສານສົມທົບກັບຕີຈີດອນ, ຕ້ອງອິງຕາມສະພາບລະອຽດຂອງເຂດຕ່າງໆແລະເມືອງຕ່າງໆ, ເລືອກເອົາຈຸດເໝາະສົມ, ນີ້ຈຶ່ງແມ່ນສະຖານະການທີ່ສົມເຫດສົມຜົນຂອງການພັດທະນາອຸດສາຫະກຳການປະດິດຄຶດແຕ່ງວັດທະນະທຳຂອງພວກເຮົາ."
ທ່ານຈິ່ນຢວນພູເວົ້າວ່າ, ການພັດທະນາອຸດສາຫະກຳວັດທະນະທຳແລະການປະດິດຄຶດແຕ່ງຂອງຈີນຍັງປະເຊີນການຈຳກັດເຊັ່ນຜູ້ມີຄວາມຮູ້ຄວາມສາມາດ ແລະກົນໄກສົມທົບກັນຕ່າງໆ. ເຖິງວ່າ ມາດຕາສ່ວນຂອງອຸດສາຫະກຳວັດທະນະທຳກວມເສດຖະກິດແຫ່ງຊາດເຕີບໂຕອ່າວໄວ, ແຕ່ຍັງໂຕນກັນຫຼາຍກັບປະເທດພັດທະນາ. ງານກິລາໂອລິມປິກປີ 2008 ຈະຈັດຂຶ້ນຢູ່ປັກກິ່ງ, ນີ້ເວົ້າສຳລັບປັກກິ່ງແລະອຸດສາຫະກຳວັດທະນະທຳຂອງຈີນແລ້ວ, ແມ່ນໂອກາດທີ່ດີຫຼາຍ.
ຕາມປົກກະຕິແລ້ວ, ທ່ານຈິ່ນຢວນພູຂຸ້ນນຳວຽກຫຼາຍ, ຖ້າມີເວລາຫວ່າງ, ທ່ານກໍຢາກອ່ານຂ່າວຢູ່ອິນເຕີເນັດ, ຂຽນບຼອກ. ທ່ານໄດ້ຂຽນຄວາມເຂົ້າໃຈຕໍ່ສຸນທອນວິທະຍາສາມັນໃນບຼອກຂອງທ່ານ, ຊອກຄົ້ນຫົວຂໍ້ຕ່າງໆກ່ຽວກັບແຟຊັນແລະສິລະປະສາຍຕາກັບໝູ່ເນັດຕ່າງໆ, ໃນເວລານີ້, ຜູ້ຮູ້ຈັກເພິ່ນຈຶ່ງຈື່ໄດ້ວ່າ, ທ່ານເຄີຍແມ່ນສາສະດາຈານສຸນທອນວິທະຍາ.
ທ່ານຜູ້ຟັງທີ່ເຄົາລົບ, ທີ່ຟັງມານັ້ນໄດ້ສະເໜີທ່ານຈິ່ນຢວນພູ ນັກຄົ້ນຄວ້າອຸດສາຫະກຳວັດທະນະທຳຈີນ. ລາຍການວັດທະນະທຳພາກນີ້ຂໍຈົບລົງທໍ່ນີ້, ສະບາຍດີ.
|
