|
|
 |
| (GMT+08:00)
2007-02-09 14:56:05
|
 |
|
ຝ່າຍຕ່າງໆຂອງກອງປະຊຸມໄລຍະທີ 3 ຂອງການເຈລະຈາ 6 ຝ່າຍຮອບ 5 ສະເໜີເຈດຈຳນົງທີ່ມີລັກສະນະສ້າງສັນ
cri
Author: m
ຕາມຂ່າວ CRI: ວັນທີ 8 ກຸມພານີ້, ທ່ານຊິນກາງ ໂຄສົກຄະນະຜູ້ແທນຈີນທີ່ເຂົ້າການເຈລະຈາ 6 ຝ່າຍກ່ຽວກັບບັນຫານິວເຄຼຍແຫຼມເກົາຫຼີກ່າວວ່າ, ໃນກອງປະຊຸມຄົບຄະນະຄັ້ງທຳອິດຂອງກອງປະຊຸມໄລຍະທີ 3 ຂອງການເຈລະຈາ 6 ຝ່າຍຮອບ 5 ກ່ຽວກັບບັນຫານິວເຄຼຍແຫຼມເກົາຫຼີທີ່ຈັດຂຶ້ນຢູ່ປັກກິ່ງໃນຕອນບ່າຍມື້ດຽວກັນ, ຝ່າຍຕ່າງໆໄດ້ແລກປ່ຽນຄວາມເຫັນແລະສະເໜີເຈດຈຳນົງທີ່ມີລັກສະນະສ້າງສັນຈຳນວນໜຶ່ງກ່ຽວກັບການປະຕິບັດຖະແຫຼງການຮ່ວມທີ່ຕົກລົງກັນໃນການເຈລະຈາຮອບ 4 , ໂດຍສະເພາະແມ່ນການເຄື່ອນໄຫວໃນໄລຍະເລີ່ມຕົ້ນ.
ໃນກອງປະຊຸມຖະແຫຼງຂ່າວທີ່ຈັດຂຶ້ນຫຼັງກອງປະຊຸມຄົບຄະນະຄັ້ງທຳອິດ, ທ່ານຊິນກາງເວົ້າວ່າ, ກອງປະຊຸມຄົບຄະນະເທື່ອນີ້ແມ່ນເວົ້າຢ່າງກົງໄປກົງມາແລະຕິດແທດຕົວຈິງ.
ໃນເວລາປະກອບຄຳຄິດຄຳເຫັນ, ຫົວໜ້າຄະນະຜູ້ແທນຝ່າຍຕ່າງໆລ້ວນແຕ່ໄດ້ກ່າວຢ້ຳຄວາມຕັ້ງໃຈແລະການຕັດສິນໃຈທີ່ຈະຍຶດໝັ້ນຈັດການເຈລະຈາ 6 ຝ່າຍ, ແກ້ໄຂບັນຫານິວເຄຼຍແຫຼມເກົາຫຼີດ້ວຍການສົນທະນາແລະສັນຕິວິທີ, ແລະເຮັດໃຫ້ແຫຼມເກົາຫຼີປອດນິວເຄຼຍ, ພ້ອມນັ້ນກໍ່ກ່າວວ່າ, ຈະເຈລະຈາດ້ວຍທ່າທີຕັ້ງໜ້າແລະຈິງຈັງ.
ທ່ານຊິນກາງເວົ້າວ່າ, ຝ່າຍຈີນຫວັງໃຫ້ຝ່າຍຕ່າງໆຖະໜອມໂອກາດປະຊຸມເທື່ອນີ້, ບັນລຸຄວາມເປັນເອກະສັນກັນກ່ຽວກັບການເຄື່ອນໄຫວໃນໄລຍະເລີ່ມຕົ້ນແລະກົນໄກທີ່ກ່ຽວຂ້ອງ. ທ່ານເວົ້າວ່າ,
ການບັນລຸການປອດນິວເຄຼຍຢູ່ແຫຼມເກົາຫຼີແມ່ນຂະບວນການທີ່ສັບສົນແລະຍາວນານ, ພວກເຮົາຕ້ອງມີຄວາມໝັ້ນໃຈ, ພ້ອມກັນນັ້ນ, ຍັງຕ້ອງຮັກສາຄວາມອົດທົນ, ຊຸກຍູ້ໃຫ້ກ້າວໄປໜ້າເປັນກ້າວໆດ້ວຍການເຄື່ອນໄຫວທີ່ຕິດແທດຕົວຈິງ.
ທ່ານຊິນກາງຍັງກ່າວວ່າ,ເວລາປະຊຸມຂອງກອງປະຊຸມເທື່ອນີ້ຈະໃຫ້ 6 ຝ່າຍພ້ອມກັນປຶກສາຫາລືກັນແລ້ວຕົກລົງຕາມສະພາບການເຈລະຈາ.
|
|
|
