|
ຈີນສ້າງລະບົບສາງຂໍ້ມູນປະຈຳຕົວຂອງປະຊາຊົນທີ່ໃຫຍ່ກວ່າໝູ່ໃນໂລກສຳເລັດແລ້ວ
cri
ຕາມຂ່າວສານຊິນຮວາ,ວັນທີ8ກຸມພານີ້,ກະຊວງປ້ອງກັນຄວາມສະຫງົບຈີນແຈ້ງໃຫ້ຊາບວ່າ,ເມື່ອໄດ້ດຳເນີນງານມາເປັນເວລາ5ປີ,ຂໍ້ມູນປະຈຳຕົວຂອງປະຊາກອນເກືອບ1ຕື້300ລ້ານຄົນຂອງຈີນໄດ້ຈັດເຂົ້າໃນສາງຂໍ້ມູນໃນທ້າຍປີ2006ແລ້ວ,ນີ້ຖືວ່າເປັນສາງຂໍ້ມູນປະຈຳຕົວທີ່ໃຫຍ່ກວ່າໝູ່ໃນໂລກ.
ພາຍຫຼັງລະບົບດັ່ງກ່າວສ້າງສຳເລັດແລ້ວ,ສາມາດໃຫ້ການບໍລິການຫຼາຍຊະນິດກ່ຽວກັບຂໍ້ມູນປະຈຳຕົວໃຫ້ແກ່ວົງການຕ່າງໆໃນສົງຄົມພາຍໃຕ້ເງື່ອນໄຂທີ່ປົກປ້ອງຄວາມລັບສ່ວນຕົວຂອງພົນລະເມືອງ,ປ້ອງກັນບໍ່ໃຫ້ເກີດມີການກະທຳຕົວະຕົ້ມແລະກະທຳຜິດກົດໝາຍໂດຍສວຍໃຊ້ບັດປະຈຳຕົວປອມຢ່າງບັງເກີດຜົນ,ແລະກໍໄດ້ສ້າງເງື່ອນໄຂໃຫ້ແກ່ຈີນຄົ້ນຄວ້າການສ້າງລະບົບສິນເຊື່ອສ່ວນບຸກຄົນໃນອະນາຄົດ.
|
|
