|
ເຈົ້າໜ້າທີ່ທະນາຄານກາງຈີນກ່າວວ່າ ຈະຂຶ້ນດອກເບ້ຍຫຼືບໍ່ຍັງຕ້ອງສັງເກດເບິ່ງຢູ່
cri
Author: cai
ຕາມຂ່າວCRI:ວັນທີ 13 ກຸມພານີ້,ຢູ່ປັກກິ່ງ,ທ່ານອີ້ກ່າງ ຜູ້ຊ່ວຍຜູ້ວ່າການທະນາຄານປະຊາຊົນຈີນ ທະນາຄານກາງຈີນເວົ້າວ່າ,ປະຈຸບັນ,ລະດັບອັດຕາດອກເບ້ຍຂອງຈີນຍັງເໝາະສົມຢູ່,ຈະຂຶ້ນດອກເບ້ຍຫຼືບໍ່ຍັງຕ້ອງສັງເກດເບິ່ງອີກ.
ໃນເວລາໃຫ້ສຳພາດຕໍ່ເວັບໄຊລັດຖະບານສູນກາງຈີນ,ທ່ານອີ້ກ່າງເວົ້າວ່າ,ລາຄາບໍລິໂພກຂອງປະຊາຊົນແມ່ນຂໍ້ມູນໃຫ້ຄຳປຶກສາທີ່ສຳຄັນຂອງທະນາຄານກາງຈີນໃນການປະເມີນລະດັບອັດຕາດອກເບ້ຍ.ເຖິງວ່າໄດ້ຖືກການກະທົບຍ້ອນລາຄາທັນຍາຫານສາກົນເພີ່ມຂຶ້ນ,ໃນເດືອນທັນວາປີກາຍ,ລາຄາບໍລິໂພກຂອງປະຊາຊົນຈີນໄດ້ເພີ່ມຂຶ້ນໃນລະດັບແນ່ນອນ.ແຕ່ຍ້ອນຈີນໄດ້ສະສົມທັນຍາຫານຢ່າງພຽງພໍ,ການກະທົບຂອງລາຄາທັນຍາຫານທີ່ມີຕໍ່ລາຄາບໍລິໂພກຂອງປະຊາຊົນຈີນນັ້ນຈະແມ່ນໄລຍະສັ້ນ.ນອກນີ້,ຜ່ານຈາກການວິເຄາະສັງລວມຕໍ່ລາຄາວັດຖຸດິບ ລາຄາສິນຄ້າທີ່ອອກຈາກໂຮງງານແລະລາຄາຂາເຂົ້າຂາອອກ,ທະນາຄານກາງຈີນເຫັນວ່າ,ຍັງຕ້ອງສັງເກດອີກຈຶ່ງຕົກລົງຈະປັບອັດຕາດອກເບ້ຍຫຼືບໍ່.
|
|
