|
|
 |
| (GMT+08:00)
2007-02-14 20:44:56
|
|
ອົງການອະນາໄມໂລກຮຽກຮ້ອງໃຫ້ປະເທດຕ່າງໆເພີ່ມທະວີການປະສານງານເພື່ອຮັບມືກັບໄຂ້ຫວັດສັດປີກ
cri
Author: cai
ຕາມຂ່າວສານຊີນຮວາ:ວັນທີ 13 ກຸມພານີ້,ເຈົ້າໜ້າທີ່ອົງການອະນາໄມໂລກ(ຫຼື WHO)ໄດ້ຮຽກຮ້ອງໃຫ້ປະຊາຄົມໂລກເພີ່ມທະວີການປະສານງານ,ເພື່ອຮັບມືກັບການຂົ່ມຂູ່ຂອງໄຂ້ຫວັດສັດປີກ.
ໃນກອງປະຊຸມແລກປ່ຽນກ່ຽວກັບພະຍາດໄຂ້ຫວັດທົ່ວໂລກທີ່ຈັດຂຶ້ນຢູ່ເລິແກ ນະຄອນຫຼວງເອຢິບໃນວັນທີ 13 ກຸມພານີ້,ທ່ານຮູສເຊນ ອາ ເກໄຊລີ ຫົວໜ້າສຳນັກງານອົງການອະນາໄມໂລກປະຈຳເຂດທະເລເມຕີເຕລະເນຕາເວັນອອກເວົ້າວ່າ,ຕາບໃດໄຂ້ຫວັດສັດປີກເກີດຂຶ້ນໃນຂອບເຂດກວ້າງ,ມາດຕະການປ້ອງກັນທີ່ສຳຄັນກວ່າໝູ່ກໍ່ແມ່ນປະເທດຕ່າງໆພົວພັນແລກປ່ຽນກັນຢ່າງບັງເກີດຜົນ.
ມື້ດຽວກັນ,ໃນພິທີໄຂກອງປະຊຸມ,ທ່ານຮາເທມ ເອວ ກາບາລີ ລັດຖະມົນຕີວ່າການກະຊວງສາທາລະນະສຸກເອຢິບກໍ່ໄດ້ຮຽກຮ້ອງໃຫ້ເພີ່ມທະວີການປະສານງານລະຫວ່າງຊາດ,ພ້ອມກັນຮັບມືກັບໄຂ້ຫວັດສັດປີກອາດຈະເກີດຂຶ້ນໃນຂອບເຂດກວ້າງ.
|
|
|
