|
ເມື່ອຮອດປີ 2010 ຈີນຈະພະຍາຍາມເຮັດໃຫ້ປະຊາຊົນທີ່ຫຼິ້ນກິລາໃຫ້ເພີ່ມຂຶ້ນຮອດ 40%
cri
Author: cai
ຕາມຂ່າວສານຊີນຮວາ:ວັນທີ 14 ກຸມພານີ້,ໃນກອງປະຊຸມຖະແຫຼງຂ່າວທີ່ຈັດຂຶ້ນຢູ່ສູນຖະແຫຼງຂ່າວງານກິລາໂອລິມປິກປັກກິ່ງ,ທ່ານສູ້ຊ່ວນ ຮອງຫົວໜ້າກົມກິລາມວນຊົນຂອງກົມໃຫຍ່ກິລາແຫ່ງຊາດຈີນເວົ້າວ່າ,ເມື່ອຮອດປີ 2010,ຈີນຈະພະຍາຍາມເຮັດໃຫ້ຜູ້ທີ່ຫຼິ້ນກິລາກວມປະຊາກອນທົ່ວປະເທດ 40%.
ທ່ານເວົ້າວ່າ,ຈຳນວນປະຊາຊົນທີ່ຫຼິ້ນກິລາແມ່ນຕົວເລກຄາດໝາຍສຳຄັນທີ່ປະເມີນການຫັດກາຍຂອງປະຊາຊົນປະເທດໃດໜຶ່ງ.ຕາມສະຖິຕິທີ່ບໍ່ຄົບຖ້ວນ,ປະຈຸບັນ,ຄົນຈີນທີ່ຫຼິ້ນກິລາໄດ້ກວມປະຊາກອນທົ່ວປະເທດ 37%,ແຕ່ທຽບໃສ່ປະເທດທີ່ພັດທະນາແລ້ວ,ຍັງມີຄວາມຜິດໂຕນກັນຫຼາຍ.ທ່ານເວົ້າວ່າ,ປະຈຸບັນ,ຈີນໄດ້ສ້າງຖັນແຖວຜູ້ຊີ້ນຳການຫຼິ້ນກິລາໃນສັງຄົມ,ພາຍຫຼັງເຂົາເຈົ້າໄດ້ຮັບການອົບຮົມວິຊາການແລ້ວ,ຈຶ່ງເຜີຍແຜ່ຄວາມຮູ້ຫັດກາຍໃນມວນຊົນອັນໄພສານ.ນອກນີ້,ພາກສ່ວນກິລາລະດັບຊາດແລະທ້ອງຖິ່ນໄດ້ຕັ້ງໜ້າສຸມກຳລັງເຂົ້າໃນການສ້າງສະຖານທີ່ຫັດກາຍໃຫ້ປະຊາຊົນ,ເພື່ອອຳນວຍຄວາມສະດວກໃຫ້ແກ່ປະຊາຊົນນັບມື້ນັບຫຼາຍເຂົ້າຮ່ວມການຫັດກາຍ.
|
|
