|
ທ່ານເຈິ່ງຊ້ຽນຈືຍ້ອງຍໍແນວຄິດ"ປະເທດດຽວສອງລະບອບ"ທີ່ສະເໜີໂດຍທ່ານເຕີ້ງສຽວພີງໄດ້ຮັບປະກັນໃຫ້ຮົງກົງກັບຄືນສູ່ປະເທດຊາດຢ່າງສະດວກແລະພັດທະນາຕໍ່ໄປ
cri
Author: shuo
ຕາມຂ່າວສານຊິນຮວາ:ວັນທີ19ກຸມພາແມ່ນວັນລະລຶກທ່ານເຕີ້ງສຽວພີງເຖິງແກ່ກຳຄົບຮອບ10ປີ.ໃນເວລາໃຫ້ສຳພາດຕໍ່ນັກຂ່າວ,ທ່ານເຈິ່ງຊ້ຽນຈື ກຳມະການຄະນະປະຈຳສະພາປະຊາຊົນແຫ່ງຊາດຈີນ ປະທານສະພາບໍລິຫານຂອງກຸ່ມບໍລິສັດໂກນລີເອິນ ໂຮນດິງ ຈຳກັດຂອງຮົງກົງກ່າວວ່າ,ບໍ່ມີທ່ານເຕີ້ງສຽວພີງ,ກໍບໍ່ມີຄວາມກ້າວໜ້າແລະມັ່ງຄັ່ງເຂັ້ມແຂງຂອງຈີນໃນຊູ່ມື້ນີ້,ແລະກໍບໍ່ມີຮົງກົງຄືໃນຊູ່ມື້ນີ້.
ທ່ານເຈິ່ງຊຽນຈືກ່າວວ່າ,ການສະເໜີແລະປະຕິບັດແນວຄິດ"ປະເທດດຽວສອງລະບອບ",ໄດ້ຟື້ນຟູການໃຊ້ອຳນາດອະທິປະໄຕຂອງຮົງກົງ,ລົບລ້າງຄວາມອັບປະຍົດຂອງຊາດ, ພ້ອມກັນນັ້ນຍັງໄດ້ຮັບປະກັນຄວາມຈະເລີນຮຸ່ງເຮືອງແລະສະຖຽນລະພາບຂອງຮົງກົງ,ເຮັດໃຫ້ຮົງກົງສືບຕໍ່ເສີມຂະຫຍາຍບົດບາດສຳຄັນໃນການປະຕິຮູບແລະໄຂປະຕູສູ່ພາຍນອກຂອງຊາດ.
ທ່ານເຈິ່ງຊຽນຈືເວົ້າວ່າ,ທ່ານເຕີ້ງສຽວພີງສະເໜີແນວຄິດອັນຍິ່ງໃຫຍ່ ຄື"ປະເທດດຽວສອງລະບອບ"ດ້ວຍສະຕິປັນຍາຄວາມກ້າຫານຮອບຮູ້ແລະບຸກຄະລິກອັນພົ້ນເດັ່ນຂອງເພິ່ນຢ່າງມີຫົວຄິດປະດິດສ້າງ,ທັງນີ້ໄດ້ສະແດງໃຫ້ເຫັນເນື້ອແທ້ຂອງຈິດໃຈຂອງເພິ່ນທີ່ຊອກຫາສັດຈະຈາກຄວາມເປັນຈິງ.ເຊື່ອວ່າ,ຄຽງຄູ່ກັບກາລະເວລາຜ່ານໄປ,ປະຊາຊົນຮົງກົງຈະນັບມື້ນັບຮູ້ສຶກເຖິງຄວາມຍິ່ງໃຫຍ່ຂອງແນວຄິດ"ປະເທດດຽວສອງລະບອບ".
|
|
