|
ຈີນຜ່ອນຄາຍການຈຳກັດ,ສົ່ງເສີມໃຫ້ພົນລະເມືອງໄປລົງທຶນຢູ່ຕ່າງປະເທດ
cri
Author: shuo
ຕາມຂ່າວສານຊິນຮວາ:ຫວ່າງກ່ອນນີ້ບໍ່ດົນ,ນັກຂ່າວໄດ້ຊາບຈາກກົມຄຸ້ມຄອງເງິນຕາຕ່າງ ປະເທດແຫ່ງຊາດຈີນວ່າ,ຈີນພວມຜ່ອນຄາຍການຈຳກັດຕໍ່ພົນລະເມືອງໃນການຊື້ແລະນຳໃຊ້ເງິນຕາຕ່າງປະເທດ,ສົ່ງເສີມໃຫ້ພົນລະເມືອງໄປລົງທຶນຢູ່ຕ່າງປະເທດ.
ຜູ້ຮັບຜິດຊອບທີ່ກ່ຽວຂ້ອງຂອງກົມຄຸ້ມຄອງເງິນຕາຕ່າງປະເທດແຫ່ງຊາດຈີນເວົ້າວ່າ,ເລີ່ມແຕ່ເດືອນພຶດສະພາປີ2006ເປັນຕົ້ນໄປ,ຈີນຈະບໍ່ກວດກາອະນຸມັດການຊື້ເງິນຕາຕ່າງປະເທດຂອງພົນລະເມືອງໄປແຕ່ລະລາຍອີກ,ປ່ຽນເປັນການຄຸ້ມຄອງຍອດຈຳນວນທີ່ຊື້ໃນແຕ່ ລະປີ;ແຕ່ວັນທີ1ກຸມພາປີ2007ເປັນຕົ້ນໄປ,ແຕ່ລະປີ,ອະນຸຍາດໃຫ້ພົນລະເມືອງຈີນຊື້ເງິນ ຕາຕ່າງປະເທດສູງສຸດ5ໝື່ນໂດລາ,ກ່ອນນີ້,ຊື່ໄດ້ແຕ່2ໝື່ນໂດລາ.
ຈີນຍັງໄດ້ຊ່ອຍເຫຼືອພົນລະເມືອງເປີດກວ້າງຊ່ອງທາງລົງທຶນຢູ່ຕ່າງປະເທດຢ່າງບໍ່ຢຸດຢັ້ງ.ໃນເດືອນເມສາປີ2006,ຈີນໄດ້ວາງນະໂຍບາຍອະນຸຍາດໃຫ້ພົນລະເມືອງຈີນມອບໝາຍໃຫ້ອົງການທະນາຄານຢູ່ຈີນໄປລົງທຶນຕາງຢູ່ຕ່າງປະເທດ,ນັບມາຮອດທ້າຍປີ 2006,ຈີນລວມໄດ້ອະນຸມັດອົງການທະນາຄານ31ແຫ່ງລົງທຶນ19ຕື້100ລ້ານໂດລາຢູ່ຕ່າງປະເທດ.
|
|
