|
|
 |
| (GMT+08:00)
2007-03-03 16:36:53
|
 |
|
ຈີນຮຽກຮ້ອງໃຫ້ສະໜັບສະໜູນປະເທດທີ່ມີລາຍໄດ້ຜ້ານກາງເລັ່ງລັດການພັດທະນາ
cri
ຕາມຂ່າວສານຊິນຮວາ,ວັນທີ2ມີນານີ້,ຢູ່ທີ່ມາດຼີດ,ທ່ານຊິວສ້ຽວສີ ຫົວໜ້າຄະນະຜູ່ແທນຈີນທີ່ເຂົ້າຮ່ວມກອງປະຊຸມລັດຖະບານປະເທດທີ່ມີລາຍໄດ້ຜ້ານກາງ ເອກອັກຄະລັດຖະທູດຈີນປະຈຳແອັສປາຍໄດ້ກ່າວຄຳປາໄສຮຽກຮ້ອງປະຊາຄົມໂລກຈົ່ງເພີ່ມທະວີການຮ່ວມມືກັບປະເທດທີ່ມີລາຍໄດ້ຜ້ານກາງ,ສະໜັບສະໜູນປະເທດເຫຼົ່ານີ້ໃນດ້ານການພັດທະນາແລະຫຼຸດຜ່ອນຄວາມທຸກຍາກ,ເພື່ອຊຸກຍູ້ໃຫ້ເປົ້າໝາຍພັດທະນາສະຫັດສະວັດໄດ້ບັນລຸຜົນເປັນຈິງ.
ທ່ານຊິວສ້ຽວສີກ່າວເນັ້ນວ່າ,ປະເທດທີ່ມີລາຍໄດ້ຜ້ານກາງແມ່ນພາກສ່ວນປະກອບອັນສຳຄັນຂອງປະເທດພວມພັດທະນາໃນທົ່ວໂລກ.ປະເທດເຫຼົ່ານີ້ປ່ຽນແປງຈາກປະເທດທີ່ມີແຕ່ຮັບເອົາການຊ່ວຍເຫຼືອຂອງປະເທດອື່ນກາຍມາເປັນກຳລັງສຳຄັນທີ່ຊຸກຍູ້ໃຫ້ເສດຖະກິດໂລກພັດທະນາຢ່າງໝັ້ນທ່ຽງ,ໄດ້ເສີມຂະຫຍາຍບົດບາດສຳຄັນໃນເສດຖະກິດພາກພື້ນກໍຄືຂອງໂລກ.ປະຊາຄົມໂລກຄວນເຄົາລົບຢ່າງເຕັມສ່ວນຕໍ່ສິດພັດທະນາຢ່າງເປັນເຈົ້າຕົນເອງຂອງປະເທດທີ່ມີລາຍໄດ້ຜ້ານກາງ,ສະໜັບສະໜູນປະເທດເຫຼົ່ານີ້ໃຫ້ພັດທະນາໄວເຂົ້າ.
ທ່ານກ່າວວ່າ,ຈີນພະຍາຍາມ ສ້າງການພົວພັນຄູ່ຮ່ວມມືແບບໃໝ່ກັບປະເທດພວມພັດທະນາທັງຫຼາຍດ້ວຍຈິງໃຈ ສະເໝີພາບແລະຕ່າງຝ່າຍຕ່າງມີຜົນປະໂຫຍດ,ພາຍໃຕ້ສະພາບທີ່ໂຕເອງກໍມີໜ້າທີ່ພັດທະນາອັນໜັກໜາທີ່ສຸດນັ້ນ,ຈີນກໍຍັງໄດ້ໃຫ້ການຊ່ວຍເຫຼືອແກ່ປະເທດພວມພັດທະນາຕາມຄວາມສາມາດຂອງຕົນ,ພະຍາຍາມໃຫ້ ໄດ້ຮັບຜົນປະໂຫຍດນຳກັນ.
|
|
|
