|
|
 |
| (GMT+08:00)
2007-03-04 20:55:33
|
 |
|
ລະບອບສະພາຜູ້ແທນປະຊາຊົນຂອງຈີນແມ່ນລະບອບການເມືອງກົກຮາກທີ່ປະຊາຊົນໃຊ້ອຳນາດລັດ
cri
Author: hefangshuo
ກອງປະຊຸມປະຈຳປີຂອງສະພາຜູ້ແທນປະຊາຊົນແຫ່ງຊາດຈີນ ອົງການອຳນາດແຫ່ງຊາດສູງສຸດຂອງຈີນຈະຈັດຂຶ້ນຢູ່ປັກກິ່ງໃນວັນທີ5ມີນານີ້.ນີ້ແມ່ນເຫດການໃຫຍ່ໃນຊີວິດການເມືອງຂອງປະຊາຊົນຈີນ.ລະບອບສະພາຜູ້ແທນປະຊາຊົນແມ່ນລະບອບການເມືອງກົກຮາກຂອງຈີນ,ແລະກໍແມ່ນຮູບການການຈັດຕັ້ງຂອງອຳນາດການປົກຄອງຂອງຈີນ.
ລັດຖະທຳມະນູນຂອງຈີນໄດ້ກຳນົດວ່າ, ອຳນາດທັງໝົດຂອງລັດຂຶ້ນກັບປະຊາຊົນ,ອົງການຈັດຕັ້ງທີ່ປະຊາຊົນໃຊ້ອຳນາດລັດແມ່ນສະພາຜູ້ແທນປະຊາຊົນແຫ່ງຊາດແລະສະພາຜູ້ແທນປະຊາຊົນຂັ້ນຕ່າງໆຂອງທ້ອງຖິ່ນ.ໃນໄລຍະໄຊກອງປະຊຸມສະພາປະຊາຊົນແຫ່ງຊາດ,ຜູ້ແທນເກືອບ3000ຄົນທີ່ມາຈາກແຫ່ງຕ່າງໆແລະຂະແໜງການຕ່າງໆຈະເຕົ້າໂຮມກັນຢູ່ນະຄອນຫຼວງປັກກິ່ງ,ເປັນຕົວແທນໃຫ້ແກ່ຜົນປະໂຫຍດແລະນ້ຳໃຈຂອງປະຊາຊົນຈີນ1ຕື້300ລ້ານຄົນໃຊ້ອຳນາດລັດ.ຜູ້ແທນປະຊາຊົນເຫຼົ່ານີ້ຈະຕາງໜ້າປະຊາຊົນໃຊ້ສິດຕ່າງໆແນວໃດ?ພວກເຮົາມາຟັງປະສົບການຂອງຜູ້ແທນສະພາປະຊາຊົນແຫ່ງຊາດຜູ້ໜຶ່ງກ່ອນ.
ນາງອູໄອ້ລິງມາຈາກແຂວງເຊສວນ ພາກຕາເວັນຕົກສຽງໃຕ້ຂອງຈີນ,ແມ່ນຜູ້ປະຕິບັດງານຝ່າຍແພດ,ຖານະການເມືອງຂອງນາງມີສອງຢ່າງ,ໜຶ່ງແມ່ນສະມາຊິກຂອງຄະນະກຳມະການປະຕິວັດພັກກົກມິນຕັງຈີນ,ສອງແມ່ນຜູ້ແທນສະພາຜູ້ແທນປະຊາຊົນແຫ່ງຊາດ.ໃນຖານະເປັນຜູ້ປະຕິບັດງານຝ່າຍແພດແລະຜູ້ແທນປະຊາຊົນ,ນາງອີງຕາມຫຼັກການທີ່ວ່າ"ປະຊາຊົນເລືອກຂ້ອຍເປັນຜູ້ແທນ,ຂ້ອຍຕ້ອງເປັນຜູ້ແທນເພື່ອຜົນປະໂຫຍດຂອງປະຊາຊົນ",ແຕ່ປີ2003ມານີ້,ນາງໄດ້ຊອກຮູ້ຄວາມຫຍຸ້ງຍາກລຳບາກຂອງປະຊາຊົນທ້ອງຖິ່ນຢ່າງເຕັມສ່ວນ,ແລ້ວໄດ້ສະເໜີໃຫ້ສະພາປະຊາຊົນແຫ່ງຊາດເພີ່ມທີວະການປ້ອງກັນປິ່ນປົວພະຍາດໝາກເຫຼືອງ.ນາງແນະນຳວ່າ:
"ໃນຫຼາຍປີ ມານີ້,ພະຍາດໝາກເຫຼືອງໄດ້ເກີດຂຶ້ນອີກຢູ່ແຫ່ງຕ່າງໆເຊັ່ນແຂວງເຊສວນເປັນຕົ້ນ.ຍ້ອນວ່າຂ້ອຍກັບຜູ່ແທນອື່ນໆຮ່ວມກັນຮຽກຮ້ອງ,ປີລຸນມາ,ປະເທດເຮົາໄດ້ຟື້ນຟູໜ່ວຍນຳພາປ້ອງກັນປິ່ນປົວພະຍາດໝາກເຫຼືອງຄືນໃໝ່,ໂດຍມີທ່ານນາງອູອີ ຮອງນາຍົກລັດຖະມົນຕີເປັນຫົວໜ້າ.ໃນດ້ານນະໂຍບາຍ,ເງິນທຶນແລະໂຄງການ,ລັດຖະບານລ້ວນແຕ່ໄດ້ມີການໂນ້ມອຽງເປັນພິເສດຕໍ່ເຂດທີ່ມີພະຍາດໝາກເຫຼືອງແຜ່ລາມ.ຜ່ານຈາກມາດຕະການປ້ອງກັນປິ່ນປົວສັງລວມຕາມຫຼັກວິທະຍາສາດເຫຼົ່ານີ້,ພະຍາດໝາກເຫຼືອງໄດ້ຖືກຄວບຄຸາໄວ້ໄດ້."
ນອກຈາກຜູ່ແທນສະພາປະຊາຊົນແຫ່ງຊາດແລ້ວ,ຍັງມີຜູ່ແທນສະພາປະຊາຊົນຂັ້ນຕ່າງໆ2ລ້ານ8ແສນກວ່າຄົນ.ຜູ່ແທນສະພາປະຊາຊົນເຫຼົ່ານີ້ໄດ້ກຳເນີດຂຶ້ນແນວໃດ?ລັດຖະທຳມະນູນຈີນໄດ້ກຳນົດໄວ້ຢ່າງຈະແຈ້ງວ່າ,ຜູ່ແທນສະພາປະຊາຊົນທຸກຂັ້ນລ້ວນແຕ່ແມ່ນກຳເນີດຈາກການເລືອກຕັ້ງແບບປະຊາທິປະໄຕ,ຜູ່ແທນປະຊາຊົນຮັບຜິດຊອບຕໍ່ປະຊາຊົນແລະຮັບເອົາການຕິດຕາກວດກາຂອງປະຊາຊົນ.ຜູ່ແທນສະພາປະຊາ ຊົນແຕ່ລະຊຸດມີອາຍຸການ5ປີ,ຮອດເວລາກຳນົດແລ້ວກໍຕ້ອງດຳເນີນການເລືອກຕັ້ງກຳເນີດສະພາຊຸດໃໝ່.ຢູ່ຈີນ,ທະແນມແຕ່ແມ່ນພົນລະເມືອງອາຍຸເຕັມ18ປີກໍມີສິດເລືອກຕັ້ງແລະສິດຮັບເລືອກຕັ້ງ.ສະຖິຕິສະແດງໃຫ້ເຫັນວ່າ,ອັດຕາເຂົ້າຮ່ວມການເລືອກຕັ້ງທຸກຄັ້ງທີ່ຜ່ານມາລ້ວນແຕ່ຢູ່ໃນລະດັບ90%.
ກໍຍ້ອນຜູ້ແທນສະພາປະຊາຊົນກຳເນີດດ້ວຍການເລືອກຕັ້ງແບບປະຊາທິປະໄຕ,ຕາງໜ້າຜົນປະໂຫຍດຂອງປະຊາຊົນ,ສະນັ້ນ,ໃນເວລາພົບບັນຫາປະເພດຕ່າງໆໃນວຽກງານຫຼືຊີ ວິດການເປັນຢູ່,ກໍໃຫ້ຜູ້ແທນສະພາປະຊາຊົນທຸກຂັ້ນໄປສ່ອງແສງໃຫ້ພະແນກທີ່ກ່ຽວ ຂ້ອງ,ບາງບັນຫາໄດ້ຈໍ່ຕົວຂຶ້ນເປັນກົດໝາຍຫຼືກົດບັນຍັດ,ບາງບັນຫາໄດ້ມອບໃຫ້ລັດຖະບານໃຊ້ມາດຕະການແກ້ໄຂ,ແລະໃຫ້ຜູ້ແທນສະພາປະຊາຊົນຮັບຜິດຊອບຕິດຕາມກວດ ກາສະພາບການແກ້ໄຂບັນຫາ.ທັງໝົດເຫຼົ່ານີ້ລ້ວນແຕ່ຕົກລົງໂດຍລະບອບສະພາຜູ້ແທນປະຊາຊົນເຊິ່ງເປັນລະບອບການເມືອງກົກຮາກຂອງຈີນ.ໃນເວລາແນະນຳລະບອບສະພາຜູ້ແທນປະຊາຊົນ,ທ່ານອູປ່າງກົວ ປະທານຄະນະປະຈຳສະພາປະຊາຊົນແຫ່ງຊາດຈີນເວົ້າ ວ່າ:"ຢູ່ຈີນ,ສະພາຜູ້ແທນປະຊາຊົນໃຊ້ອຳນາດລັດຢ່າງເປັນເອກະພາບ,ອົງການບໍລິຫານ ອົງການຕັດສິນແລະອົງການໄອຍະການຂອງລັດລ້ວນແຕ່ກຳເນີດຢູ່ໃນສະພາປະຊາຊົນ,ຮັບຜິດຊອບຕໍ່ສະພາປະຊາຊົນແລະຮັບການຕິດຕາມກວດກາຈາກສະພາປະຊາຊົນ."
ທ່ານຜູ້ຟັງທີ່ໂຄລົບ,ທີ່ຟັງມານັ້ນແມ່ນບົດສະເໜີລະບອບສະພາຜູ້ແທນປະຊາຊົນຂອງຈີນ.ໃນວັນທີ5ມີນານີ້,ກອງປະຊຸມຄັ້ງທີ5ຂອງສະພາຜູ້ແທນປະຊາຊົນແຫ່ງຊາດຈີນສະໄໝທີ10ກໍຈະໄຂຂຶ້ນ,ໃນໄລຍະປະຊຸມ,ເຊີນທ່ານຕິດຕາມຮັບຟັງການແຈ້ງຂ່າວລະອຽດຂອງວິທະຍຸCRIພວກເຮົາ.
|
|
|
