|
|
 |
| (GMT+08:00)
2007-03-06 13:36:11
|
 |
|
ຈີນສາມາດສົ່ງນັກບິນອະວະກາດຂຶ້ນສູ່ດວງຈັນໄດ້ພາຍໃນ15ປີ
cri
ຕາມຂ່າວສານຊິນຮວາ,ວັນທີ6ມີນານີ້,ທ່ານຫວງຊຸນພິງ ອະດີດຜູ່ບັນຊາການໃຫຍ່ລະບົບຈະຫຼວດສົ່ງຍານຂອງໂຄງການການບິນອະວະກາດບັນທຸກຄົນຂອງຈີນກ່າວວ່າ,ຈີນໄດ້ມີເຕັກນິກທີ່ສາມາດສົ່ງນັກບິນອະວະກາດຂຶ້ນສູ່ດວງຈັນພາຍໃນ15ປີ.
ທ່ານຫວງຊຸນພິງເຄີຍເປັນຮອງຫົວໜ້າສະຖາບັນຄົ້ນຄວ້າເຕັກນິກຈະຫຼວດສົ່ງຍານຂອງຈີນ.ໃນເວລາໃຫ້ສຳພາດຕໍ່ນັກຂ່າວຢູ່ປັກກິ່ງ,ທ່ານກ່າວວ່າ,ພາຍໃຕ້ເງື່ອນໄຂດີທີ່ສຸດເຊັ່ນມີງົບປະມານພຽງພໍ,ປະຕິບັດໂຄງການຕາມເວລາກຳນົດເປັນຕົ້ນ,ຈີນມີຄວາມສາມາດເຕັມປ່ຽມທີ່ຈະຍິງສົ່ງຍານອະວະກາດບັນທຸກຄົນຂຶ້ນສູ່ດວງຈັນໄດ້ພາຍໃນ15ປີ.
ທ່ານຫວງຊຸນພິງກ່າວວ່າທ່ານມີຄວາມໝັ້ນໃຈຢ່າງເຕັມປ່ຽມຕໍ່ການພັດທະນາຂອງໂຄງການຈະຫຼວດຂອງຈີນ.ທ່ານເຫັນວ່າ,ຈີນພ້ອມກັນກັບອາເມລິກາ,ຣັດເຊຍແລະເອີລົບເປັນທິມງານທີໜຶ່ງໃນຂົງເຂດຈະຫຼວດຂອງໂລກ,ເຖິງວ່າຈະຫຼວດສົ່ງຍານລະບົບ"ສາງເຈິ່ງ"ຂອງຈີນເມື່ອທຽບກັບຈະຫຼວດສົ່ງຍານປະເພດດຽວຂອງອາເມລິກາແລະຣັດເຊຍແລ້ວຍັງມີຄວາມຫຼຸດລື່ນກັນອັນແນ່ນອນກໍຕາມ,ແຕ່ພັດດີກວ່າຈະຫຼວດ"ເອຣຽນ"ຂອງກົມອະວະກາດເອີລົບໜ່ອຍໜຶ່ງ.
|
|
|
