|
ເມືອງພາກໃຕ້ອີຣັກເກີດເຫດການລະເບີດປະມານ90ຄົນເສຍຊີວິດ
cri
ຕາມຂ່າວສານຊິນຮວາ,ວັນທີ6ມີນານີ້,ຕຳຫຼວດອີຣັກກ່າວວ່າ,ມື້ດຽວກັນ,ຢູ່ຮິລາເມືອງພາກໃຕ້ຂອງອີຣັກໄດ້ເກີດເຫດການຫຼອນໂຈມຕີດ້ວຍລະເບີດສະຫຼະຊີບ,ເຮັດໃຫ້ປະມານ90ຄົນເສຍຊີວິດ,160ຄົນໄດ້ຮັບບາດເຈັບ.
ຕຳຫຼວດເມືອງຮິລາກ່າວວ່າ,ຕອນທ່ຽງມື້ດຽວກັນ,ຜູ່ຫຼອນໂຈມຕີສອງຄົນໄດ້ແລ່ນເຂົ້າໄປໃນຝູງຄົນທີ່ພວມດຳເນີນກິດຈະກຳທາງສາສະໜານິກາຍຊີອະແລະດຶງສາຍຊະນວນຂອງລູກລະເບີດທີ່ຕິດໂຕ,ເຮັດໃຫ້ມີຄົນຕາຍແລະບາດເຈັບຢ່າງຫຼວງຫຼາຍ.
ມື້ດຽວກັນ,ຢູ່ຫຼາຍແຫ່ງຂອງອີຣັກເຊັ່ນ ຄາບາລາເມືອງພາກໃຕ້ອີຣັກເປັນຕົ້ນກໍໄດ້ເກີດເຫດການຫຼອນໂຈມຕີທີ່ແນໃສ່ນິກາຍຊີອະທີ່ໄປນະມັດສະການ,ເຮັດໃຫ້8ຄົນເສຍຊີວິດ,ຢ່າງໜ້ອຍມີ25ຄົນບາດເຈັບ.
|
|
