|
|
 |
| (GMT+08:00)
2007-03-08 11:56:27
|
 |
|
ຫ້ອງການຖະແຫຼງຂ່າວລັດຖະບານຈີນເຜີຍແຜ່ບົດລາຍງານສິດທິມະນຸດຂອງອາເມລິກາປີ2006
cri
ຕາມຂ່າວCRI,ວັນທີ8ມີນານີ້,ຫ້ອງການຖະແຫຼງຂ່າວລັດຖະບານຈີນໄດ້ປະກາດບົດບັນທຶກສິດທິມະນຸດຂອງອາເມລິກາປີ2006,ເຊິ່ງໄດ້ຍົກເອົາຕົວຢ່າງຫຼັກຖານຢ່າງຫຼວງຫຼາຍເພື່ອສະແດງໃຫ້ເຫັນບັນຫາລ່ວງລະເມີດສິດທິມະນຸດຢ່າງໜັກໜ່ວງທີ່ມີຢູ່ໃນອາເມລິກາ.
ບົດລາຍງານຊີ້ອອກວ່າ,ການຕ້ອງໂທດດ້ວຍຄວາມຮຸນແຮງຂອງອາເມລິກາໜັກໜ່ວງທີ່ສຸດ,ມີຄວາມອັນຕະລາຍເຖິງຄວາມປອດໄພດ້ານຮ່າງກາຍແລະຊັບສິນຂອງປະຊາຊົນ.ປະກົດການໃຊ້ສິດຕຳແໜ່ງຢ່າງຊະຊາຍຂອງອາເມລິກາກໍໜັກໜ່ວງສົມຄວນ.ສະພາບການປະຕິບັດຕໍ່ຂອງນັກໂທດໃນຄຸກຂີ້ຮ້າຍຫຼາຍ,ປະກົດການທໍລະມານນັກໂທດມີຢູ່ທົ່ວໄປ.ນອກນີ້,ການຈຳແນກເຊື້ອຊາດຜິວພັນແລະດູໝິ່ນເຊື້ອຊາດໄດ້ຝັງເລິກໃນດິນແດນອາເມລິກາ,ຜູ່ມີເຊື້ອຊາດຜິວພັນອື່ນແລະຊົນເຜົ່າສ່ວນໜ້ອຍຖືກດູໝິ່ນໃນດ້ານການປະກອບອາຊີບແລະເຮັດວຽກໃນໄລຍະຍາວນານມານີ້.
ນອກນີ້,ອາເມລິກາຍັງອີງໃສ່ທ່າແຮງດ້ານການທະຫານຂອງຕົນ,ລ່ວງລະເມີດອະທິປະໄຕຂອງປະເທດອື່ນຢ່າງເປີດແປນ,ຢຽບຫຍ່ຳສິດທິມະນຸດຂອງປະເທດອື່ນຢ່າງຮ້າຍກາດ.ການທາລຸນນັກໂທດຢ່າງເປັນລະບົບໃນສົງຄາມອີຣັກແລະສົງຄາມອັຟການີສະຖານຂອງອາເມລິກາໄດ້ມີຊື່ສຽງເນົ່າເໝັນມາແຕ່ດົນແລ້ວ.
ບົດຄວາມທວງໃຫ້ລັດຖະບານອາເມລິກາຈົ່ງປະຕິບັດຕໍ່ບັນຫາສິດທິມະນຸດຂອງຕົນຢ່າງຖືກຕ້ອງ,ດັດແກ້ຄວາມຜິດພາດໃນບັນຫາສິດທິມະນຸດ,ຢຸດຕິການກະທຳເຈົ້າອຳນາດທີ່ສວຍໃຊ້ບັນຫາສິດທິມະນຸດແຊກແຊງວຽກງານພາຍໃນຂອງປະເທດອື່ນ.
ນີ້ແມ່ນຈີນເຜີຍແຜ່ບົດລາຍງານສິດທິມະນຸດຂອງອາເມລິກາເປັນປີທີ8ລຽນຕິດ
|
|
|
