|
|
 |
| (GMT+08:00)
2007-03-08 12:01:20
|
 |
|
ເບຼຊິນແລະຫວຽດນາມຕິຕຽນອາເມລິກາທີ່ເຜີຍແຜ່ບົດລາຍງານສິດທິມະນຸດຂອງປະເທດຕ່າງໆ
cri
Author: shuo
ຕາມຂ່າວCRI:ວັນທີ7ມີນານີ້,ເບຼຊິນແລະຫວຽດນາມຕ່າງໄດ້ຕິຕຽນກະຊວງານຕ່າງປະເທດອາເມລິກາທີ່ໄດ້ເຜີຍແຜ່ບົດລາຍງານສິດທິມະນຸດຂອງປະເທດຕ່າງໆປີ2006.
ວັນທີ7ມີນານີ້,ກະຊວງການຕ່າງປະເທດຂອງເບຼຊິນຖະແຫຼງວ່າ,ເບຼຊິນບໍ່ຮັບຮອງຄວາມຊອບດ້ວຍກົດໝາຍຂອງ"ບົດລາຍງານສິດທິມະນຸດຂອງປະເທດຕ່າງໆສົກປີ2006"ທີ່ກະ ຊວງການຕ່າງປະເທດອາເມລິກາເຜີຍແຜ່ໃນວັນທີ6ມີນານີ້,ແລະເຫັນວ່າ,ອາເມລິກາຈຶ່ງ ແມ່ນປະເທດທີ່ລ່ວງລ້ຳສິດທິມະນຸດໜັກໜ່ວງກວ່າໝູ່ໃນໂລກ.ຖະແຫຼງການກ່າວວ່າ,ບົດລາຍງານສິດທິມະນຸດສະບັບນີ້ໄດ້ຕິຕຽນປະເທດອື່ນໂດຍອີງຕາມການເມືອງແລະຮູບຖານຈິດສຳນຶກຢ່າງສິ້ນເຊີງ,ການຕີລາຄາແຕ່ຝ່າຍດຽວແບບນີ້ທີ່ມີຕໍ່ສະພາບການສິດທິມະນຸດແມ່ນຮັບເອົາບໍ່ໄດ້.
ໃນມື້ດຽວກັນ,ທ່ານເລ ດຸງ ໂຄສົກກະຊວງການຕ່າງປະເທດຫວຽດນາມກ່າວວ່າ,ບົດລາຍງານສິດທິມະນຸດຂອງອາເມລິກາສືບຕໍ່ສະເໜີຄວາມເຫັນຈຳນວນໜຶ່ງທີ່ບໍ່ຖືກຕ້ອງຕໍ່ສະພາບການສິດທິມະນຸດຂອງຫວຽດນາມ,ຫວຽດນາມຮູ້ສຶກເສຍດາຍທີ່ສຸດຕໍ່ເລື່ອງນີ້.ທ່ານເວົ້າວ່າ,ຍ້ອນປະເທດຕ່າງໆມີລະບອບການເມືອງ ລະດັບການພັດທະນາ ປະຫວັດສາດແລະວັດທະນະທຳທີ່ຕ່າງກັນ,ສະນັ້ນ,ການມີທັດສະນະແລະຄວາມເຫັນທີ່ຕ່າງກັນຕໍ່ສິດທິມະນຸດນັ້ນແມ່ນເລື່ອງແນ່ນອນ.
|
|
|
