|
ສິງກະໂປເຫັນວ່າ ເຈດຈຳນົງອັນໃໝ່ຂອງທ່ານເຊິນຊຸຍປຽນຈະທຳລາຍຄວາມໝັ້ນທ່ຽງຂອງສອງຝັ່ງ
cri
Author: m
ຕາມຂ່າວ CRI: ວັນທີ 8 ມີນານີ້, ໂຄສົກກະຊວງການຕ່າງປະເທດສິງກະໂປເວົ້າວ່າ, ເຈດຈຳນົງ "4 ຕ້ອງ 1 ບໍ່ມີ" ຂອງທ່ານເຊີນຊຸຍປຽນ ຜູ້ນຳເຂດໄຕ້ຫວັນຂອງຈີນຈະທຳລາຍຄວາມໝັ້ນທ່ຽງຂອງສອງຝັ່ງຊ່ອງແຄບໄຕ້ຫວັນ.
ໂຄສົກຜູ້ນີ້ເວົ້າວ່າ, ເຈດຈຳນົງຂອງທ່ານເຊີນຊຸຍປຽນຂັດກັບຄຳໝັ້ນສັນຍາຂອງເຂົາໃນເວລາຂຶ້ນຮັບຕຳແໜ່ງໃນປີ 2000 . ຖ້ອຍຄວາມແບບນີ້ບໍ່ມີຜົນປະໂຫຍດຈັກເມັດ, ມີແຕ່ຈະເຮັດໃຫ້ສອງຝັ່ງຊ່ອງແຄບປະເຊີນກັບຄວາມສ່ຽງທີ່ຍິ່ງບໍ່ໝັ້ນທ່ຽງ.
ໂຄສົກຜູ້ນີ້ກ່າວຢ້ຳວ່າ, ສິງກະໂປຍຶດໝັ້ນນະໂຍບາຍ "ປະເທດຈີນດຽວ" ຢ່າງແຈ່ມແຈ້ງ, ຄັດຄ້ານການໃຫ້ໄຕ້ຫວັນເປັນເອກະລາດແລະການກະທຳໃດໆທີ່ຈະປ່ຽນແປງສະພາບປະຈຸບັນແຕ່ຝ່າຍດຽວ.
ວັນທີ 4 ມີນານີ້, ທ່ານເຊີນຊຸຍປຽນກ່າວວ່າ "ໄຕ້ຫວັນຕ້ອງເປັນເອກະລາດ, ໄຕ້ຫວັນຕ້ອງປ່ຽນຊື່ໃຫ້ຖືກຕ້ອງ, ໄຕ້ຫວັນຕ້ອງມີລັດຖະທຳມະນູນໃໝ່, ໄຕ້ຫວັນຕ້ອງພັດທະນາ, ໄຕ້ຫວັນບໍ່ມີແນວທາງຊ້າຍຂວາ, ມີແຕ່ບັນຫາເປັນເອກະລາດ".
|
|
