|
|
(GMT+08:00)
2007-03-11 20:22:17
|
ທ່ານອິສເມວ ຮານີຢາກ່າວວ່າ ອາທິດໜ້າຈະປະກາດສ້າງຕັ້ງລັດຖະບານປະສົມແຫ່ງຊາດປາເລັສຕີນ
cri
Author: cai
ຕາມຂ່າວສານຊີນຮວາ:ວັນທີ 10 ມີນານີ້,ທ່ານອິສເມວ ຮານີຢາ ນາຍົກລັດຖະມົນຕີລັດຖະບານຮັກສາການປາເລັສຕີນກ່າວວ່າ,ລັດຖະບານປະສົມແຫ່ງຊາດປາເລັສຕີນຈະປະກາດສ້າງຕັ້ງຂຶ້ນໃນວັນພຸດຫຼືວັນພະຫັດອາທິດໜ້າ.
ມື້ດຽວກັນ,ໃນເວລາໃຫ້ສຳພາດຕໍ່ໂທລະພາບປາເລັສຕີນ,ທ່ານຮານີຢາເວົ້າວ່າ,ບັນຊີລາຍຊື່ລັດຖະບານຊຸດໃໝ່ຈະຖືກຍື່ນໃຫ້ສະພານິຕິບັນຍັດປາເລັສຕີນໃນວັນເສົາອາທິດໜ້າເພື່ອປ່ອນບັດໄວ້ວາງໃຈ.ທ່ານເວົ້າວ່າ,ເຖິງວ່າຄວາມເຫັນແຕກຕ່າງກັນກ່ຽວກັບຜູ້ເປັນລັດຖະມົນຕີກະຊວງພາຍໃນຍັງບໍ່ທັນແກ້ໄຂໃຫ້ຕົກເທື່ອ,ແຕ່ນີ້ບໍ່ເປັນສິ່ງກີດຂວາງການປະກອບລັດຖະບານປະສົມ.
ຄະນະຜູ້ແທນປາເລັສຕີນທີ່ໄປເຂົ້າຮ່ວມກອງປະຊຸມສຸດຍອດສັນນິບາດອາຣັບຈະປະກອບດ້ວຍທ່ານອັບບາສ ປະທານອົງການອຳນາດແຫ່ງຊາດແລະທ່ານຮານີຢາ ນາຍົກລັດຖະມົນຕີປາເລັສຕີນ.
|
|
|