|
|
 |
| (GMT+08:00)
2007-03-11 20:39:41
|
 |
|
ລັດຖະມົນຕີການຕ່າງປະເທດອີຣັກກ່າວວ່າ ກອງປະຊຸມສາກົນກ່ຽວກັບຄວາມປອດໄພຂອງອີຣັກມີລັກສະນະສ້າງສັນ
cri
Author: cai
ຕາມຂ່າວCRI:ວັນທີ 10 ມີນານີ້,ທ່ານໂຮສຢາ ມາຣໂມດ ອານ ຊີບາຣີ ລັດຖະມົນຕີວ່າການກະຊວງການຕ່າງປະເທດອີຣັກເວົ້າວ່າ,ກອງປະຊຸມສາກົນກ່ຽວກັບບັນຫາຄວາມປອດໄພຂອງອີຣັກທີ່ຈັດຂຶ້ນຢູ່ແບກແດດໃນວັນທີ 10 ມີນານີ້ແມ່ນຕັ້ງໜ້າແລະມີລັກສະນະສ້າງສັນ.
ໃນກອງປະຊຸມຖະແຫຼງຂ່າວ,ທ່ານຊີບາຣີເວົ້າວ່າ,ຜູ້ແທນທີ່ຮ່ວມປະຊຸມເຫັນດີສ້າງຕັ້ງສາມຄະນະກຳມະການ,ຫາລືບັນຫາການຮ່ວມມືດ້ານຄວາມປອດໄພ ຊາວອົບພະຍົບອີຣັກແລະການສະໜອງພະລັງງານ.ແຕ່ຜູ້ແທນຝ່າຍຕ່າງໆບໍ່ໄດ້ກ້າວເຖິງຂັ້ນເປັນເອກະສັນກັນກ່ຽວກັບເວລາແລະສະຖານທີ່ຈັດກອງປະຊຸມລະດັບລັດຖະມົນຕີໃນຕໍ່ໜ້າ.ທ່ານຊີບາຣີເວົ້າວ່າ,ຈະຫາລືກັນກັບຝ່າຍຕ່າງໆຕື່ມອີກກ່ຽວກັບເລື່ອງນີ້.
ໃນກອງປະຊຸມ,ທ່ານເຊີນສຽວຕົ່ງ ເອກອັກຄະລັດຖະທູດຈີນປະຈຳອີຣັກກໍ່ໄດ້ບັນລະຍາຍທັດສະນະຂອງຈີນ.ທ່ານຊີ້ອອກວ່າ,ຝ່າຍຕ່າງໆທີ່ກ່ຽວຂ້ອງຄວນເພີ່ມທະວີການສົນທະນາຮວມໝູ່ແລະການຮ່ວມມືໃນຂົງເຂດການເມືອງ ຄວາມປອດໄພແລະເສດຖະກິດເປັນຕົ້ນ,ຊ່ວຍອີຣັກບັນລຸສັນຕິພາບ ສະຖຽນລະພາບແລະການພັດທະນາໂດຍໄວເທົ່າທີ່ຈະໄວໄດ້.ຈີນຕັ້ງໜ້າສະໜັບສະໜູນສະຫະປະຊາຊາດເສີມຂະຫຍາຍບົດບາດອັນສຳຄັນໃນບັນຫາອີຣັກ.
|
|
|
