|
ຈີນມີ 1451 ຕາແສງໄດ້ດຳເນີນວຽກງານທົດລອງຮ່ວມມືປິ່ນປົວຊົນນະບົດແບບໃໝ່
cri
Author: cai
ຕາມຂ່າວສານຊີນຮວາ:ວັນທີ 12 ມີນານີ້,ຢູ່ປັກກິ່ງ,ທ່ານມາວຊູນອານ ໂຄສົກກະຊວງສາທາລະນະສຸກຈີນກ່າວວ່າ,ນັບມາຮອດທ້າຍປີກາຍນີ້,ຈີນມີ 1451 ຕາແສງໄດ້ດຳເນີນວຽກງານທົດລອງຮ່ວມມືປິ່ນປົວຊົນນະບົດແບບໃໝ່,ກວມ 50,7% ຂອງຈຳນວນຕາແສງໃນທົ່ວປະເທດ,ຊາວກະສິກອນທີ່ເຂົ້າຮ່ວມການຮ່ວມມືປິ່ນປົວຊົນນະບົດແບບໃໝ່ກວມ 47,2% ຂອງຊາວກະສິກອນທົ່ວປະເທດ.
ການຮ່ວມມືປິ່ນປົວຊົນນະບົດແບບໃໝ່ແມ່ນລະບອບຮັບປະກັນການປິ່ນປົວທີ່ຈີນດຳເນີນຢູ່ຊົນນະບົດ,ຊາວກະສິກອນສະໝັກເຂົ້າຮ່ວມ,ເຂົາເຈົ້າອອກທຶນ 20%,ລັດຖະບານອອກທຶນ 80%,ປະກອບເປັນກອງທຶນປິ່ນປົວ,ຊາວກະສິກອນທີ່ໄດ້ເຂົ້າຮ່ວມການຮ່ວມມືປິ່ນປົວນັ້ນສາມາດຮັບເອົາຄ່າປິ່ນປົວຄືນຈຳນວນໜຶ່ງຈາກກອງທຶນ.
ທ່ານມາວຊູນອານແຈ້ງໃຫ້ຊາບວ່າ,ການຮ່ວມມືປິ່ນປົວຊົນນະບົດແບບໃໝ່ເລີ່ມປະຕິບັດແຕ່ປີ 2003,ປະຈຸບັນ,ໄດ້ດຳເນີນໄປດ້ວຍດີ,ຄ່າປິ່ນປົວຂອງຊາວກະສິກອນໄດ້ຫຼຸດໜ້ອຍລົງຢ່າງເດັ່ນຊັດ,ເງື່ອນໄຂປິ່ນປົວໄດ້ດີຂຶ້ນຢ່າງເດັ່ນຊັດ.
|
|
