|
|
 |
| (GMT+08:00)
2007-03-13 17:24:51
|
 |
|
ທ່ານເຈຍຊິ້ງລິນກ່າວວ່າຈີນຫວຽດນາມເພີ່ມທະວີການຣ່ວມມືທີ່ຕ່າງຝ່າຍຕ່າງມີຜົນປະໂຫຍດມີອະນາຄົດກວ້າງຂວາງ
cri
ຕາມຂ່າວCRI,ວັນທີ13ມີນານີ້,ຢູ່ທີ່ປັກກິ່ງ,ທ່ານເຈຍຊິ້ງລິນ ກຳມະການປະຈຳກົມການເມືອງສູນກາງພັກກອມມູນິດຈີນ ປະທານສະພາປຶກສາການເມືອງປະຊາຊົນແຫ່ງຊາດຈີນໄດ້ພົບປະທ່ານໂຮດຶກຫວຽດ ກຳມະການກົມການເມືອງສູນກາງພັກກອມມູນິດຫວຽດນາມເລຂາສຳນັກເລຂາສູນກາງພັກກອມມູນິດຫວຽດນາມ.ທ່ານເຈຍຊິ້ງລິນກ່າວວ່າ,ພາຍໃຕ້ເງື່ອນໄຂປະຫວັດສາດໃໝ່,ຈີນແລະຫວຽດນາມເພີ່ມທະວີການແລກປ່ຽນຢ່າງມີໄມຕີຈິດແລະການຮ່ວມມືທີ່ຕ່າງຝ່າຍຕ່າງມີຜົນປະໂຫຍດນັ້ນມີອະນາຄົດກວ້າງຂວາງທີ່ສຸດ.
ທ່ານເຈຍຊິ້ງລິນກ່າວວ່າ,ໃນຫຼາຍປີມໍ່ໆມານີ້,ຜູ່ນຳພັກລັດຈີນແລະຫວຽດນາມໄດ້ຢ້ຽມຢາມເຊິ່ງກັນແລະກັນເລື້ອຍໆ,ຄວາມໄວ້ເນື້ອເຊື່ອໃຈທາງການເມືອງເພີ່ມທະວີຂຶ້ນຢ່າງບໍ່ຢຸດຢັ້ງ,ການຮ່ວມມືດ້ານເສດຖະກິດການຄ້າໄດ້ຮັບໝາກຜົນຢ່າງເດັ່ນຊັດ,ບັນຫາຊາຍແດນໄດ້ຮັບການແກ້ໄຂເທື່ອລະກ້າວ,ໃນວຽກງານສາກົນແລະພາກພື້ນ,ສອງຝ່າຍກໍໄດ້ຮັກສາການປະສານງານເປັນຢ່າງດີ.ຝ່າຍຈີນຮູ້ສຶກເພິ່ງພໍໃຈຕໍ່ການຂະຫຍາຍຕົວຂອງການພົວພັນລະຫວ່າງສອງພັກລັດຈີນຫວຽດນາມ.ທ່ານເຊື່ອວ່າ,ເມື່ອສອງຝ່າຍທຳຄວາມພະຍາຍາມຮ່ວມກັນແລ້ວ,ຍ່ອມຈະສາມາດຊຸກຍູ້ການພົວພັນຮ່ວມມືດ້ວຍໄມຕີຈິດຖານບ້ານໃກ້ເຮືອນຄຽງທີ່ດີຕໍ່ກັນລະຫວ່າງຈີນກັບຫວຽດນາມໄປສູ່ລະດັບຂະຫຍາຍຕົວໃໝ່.
ທ່ານໂຮດຶກຫວຽດກ່າວວ່າ,ຫວຽດນາມຈະເພີ່ມທະວີການພົວພັນຮ່ວມມືກັນດ້ວຍໄມຕີຈິດທີ່ມີມູນເຊື້ອກັບຈີນ,ພ້ອມທັງຮ່ຳຮຽນແລະຖອດຖອນບົດຮຽນເຊິ່ງກັນແລະກັນກັບຝ່າຍຈີນກ່ຽວກັບການເພີ່ມທະວີຄວາມສາມາດໃນການນຳພາຂອງພັກ.
|
|
|
