|
ພາກໃຕ້ຂອງໄທເກີດເຫດການຫຼອນໂຈມຕີເຮັດໃຫ້8ຄົນເສຍຊີວິດ
cri
ຕາມຂ່າວCRI,ຕອນເຊົ້າວັນທີ14ມີນານີ້,ຢູ່ຈັງຫວັດຍະລາ ພາກໃຕ້ຂອງໄທໄດ້ເກີດເຫດການຫຼອນໂຈມຕີຢ່າງຮ້າຍແຮງ,ເຮັດໃຫ້8ຄົນເສຍຊີວິດ,1ຄົນບາດເຈັບສາຫັດ.
ເຈົ້າໜ້າທີ່ຕຳຫຼວດຈັງຫວັດຍະລາແຈ້ງໃຫ້ຮູ້ວ່າ,ຕອນເຊົ້າມື້ດຽວກັນ,ລົດບັສໃຫຍ່ຄັນໜຶ່ງຖືກຜູ່ປະກອບອາວຸດທີ່ບໍ່ຊາບຝ່າຍຫຼອນໂຈມຕີຢ່າງກະທັນຫັນໃນເວລາແລ່ນຢູ່ກາງທາງ,ເຊິ່ງເຮັດໃຫ້9ຄົນບາດເຈັບສາຫັດ,ໃນນັ້ນ,ມີ8ຄົນຍ້ອນທົນພິດບາດແຜບໍ່ໄຫວຈິ່ງເສຍຊີວິດໃນໄລຍະທາງນຳສົ່ງໄປໂຮງໝໍ.ຕຳຫຼວດຢືນຢັນວ່າເຫດການນີ້ແມ່ນພວກລັດທິແບ່ງແຍກຂອງພາກໃຕ້ໄທກໍ່ຂຶ້ນ.
ແຕ່ຕົ້ນປີ2004ຮອດປັດຈຸບັນ,ພວກລັດທິແບ່ງແຍກພາກໃຕ້ຂອງໄທໄດ້ກໍ່ເຫດການຮຸນແຮງເລື້ອຍໆຢູ່ສາມຈັງຫວັດພາກໃຕ້ຄືຈັງຫວັດປັດຕະນີ ຈັງຫວັດຍະລາແລະຈັງຫວັດນະລາທິວາດ.ນັບມາຮອດປັດຈຸບັນໄດ້ເຮັດໃຫ້2000ກວ່າຄົນເສຍຊີວິດແລ້ວ.
|
|
