|
|
 |
| (GMT+08:00)
2007-03-15 17:32:48
|
 |
|
ເຢຍລະມັນຮຽກຮ້ອງໃຫ້ເອີລົບແລະອາຊຽນພ້ອມກັນຮັບມືກັບການທ້າທາຍ
cri
Author: shuo
ຕາມຂ່າວສານຊິນຮວາ:ວັນທີ14ມີນານີ້,ຢູ່ນິວເຣມເບີກ ເມືອງພາກໃຕ້ຂອງເຢຍລະມັນໄດ້ໄຂກອງປະຊຸມລະດັບລັດຖະມົນຕີຂອງສະຫະພາບເອີລົບແລະອາຊຽນຄັ້ງທີ16,ກອງປະຊຸມຈະດຳເນີນໄປເປັນເວລາ2ມື້ໄດ້ໄຂຂຶ້ນ.ທ່ານຟຼານກ໌ ວອນເຕີ ສະເຕນເມເອີ ລັດຖະມົນຕີວ່າການກະຊວງການຕ່າງປະເທດເຢຍລະມັນຮຽກຮ້ອງໃຫ້ສະຫະພາບເອີລົບແລະອາຊຽນເພີ່ມທະວີການຮ່ວມມື,ພ້ອມກັນຮັບມືກັບການທ້າທາຍຈາກການປ່ຽນແປງຂອງດິນຟ້າອາກາດ ບັນຫາພະລັງງານ ການຄ້າແລະຄວາມປອດໄພ.
ທ່ານສະເຕນເມເອີກ່າວວ່າ,ຫວ່າງມໍ່ໆນີ້,ກອງປະຊຸມສຸດຍອດຂອງສະຫະພາບເອີລົບໄດ້ວາງເປົ້າໝາຍ ຄື ຫຼຸດການລະບາຍອາຍຫ້ອງອຸ່ນໃຫ້ໜ້ອຍລົງແລະການນຳໃຊ້ພະລັງງານທີ່ເກີດໃໝ່ໄດ້.ເປົ້າໝາຍເຫຼົ່ານີ້ມີແຕ່ຄູ່ຮ່ວມມືອື່ນໆໃນໂລກເຂົ້າຮ່ວມຈຶ່ງຈະໄດ້ຮັບຜົນ.
ທ່ານສະເຕນເມເອີກ່າວວ່າ,ສະຫະພາບເອີລົບແລະອາຊຽນຄວນພ້ອມກັນທຳຄວາມພະຍາຍາມ,ເຮັດໃຫ້ການເຈລະຈາຂອງອົງການການຄ້າໂລກໄດ້ຮັບຜົນເຕັມເມັດເຕັມໜ່ວຍ.ທ່ານຍັງຮຽກຮ້ອງໃຫ້ສອງຝ່າຍລົງເລິກການຮ່ວມມືໃນດ້ານນະໂຍບາຍຄວາມປອດໄພ.
ຫົວຂໍ້ຂອງກອງປະຊຸມລະດັບລັດຖະມົນຕີຂອງສະຫະພາບເອີລົບແລະອາຊຽນຄັ້ງທີ16 ແມ່ນ"ພ້ອມກັນທຳຄວາມພະຍາຍາມເພື່ອບັນລຸຄວາມປອດໄພແລະສະຖຽນລະພາບຢູ່ອາຊີອາຄະເນ".
|
|
|
