|
ຕາມຂ່າວCRI: ປະຈຸບັນນີ້, ກອງປະຊຸມປະຈຳປີຂອງສະພາຜູ້ແທນປະຊາຊົນແຫ່ງຊາດຈີນພວມຈັດຂຶ້ນຢູ່ປັກກິ່ງ,ມີຜູ້ແທນ2800ກວ່າຄົນຂອງສະພາປະຊາຊົນແຫ່ງຊາດຈີນໄດ້ເຂົ້າ ຮ່ວມ.ຜູ້ແທນເຫຼົ່ານີ້ມີໜ້າທີ່ຮັບຜິດຊອບຫຍັງ?ພວກເພິ່ນເຮັດແນວໃດເພື່ອຕາງໜ້າຜົນປະໂຫຍດຂອງທ້ອງຖິ່ນທີ່ຕ່າງກັນ ຊັ້ນຄົນຕ່າງກັນແລະຊຸມຊົນຕ່າງກັນຂອງຈີນ,ແລະເຮັດແນວໃດເຂົ້າຮ່ວມການວາງກົດໝາຍພ້ອມດ້ວຍການປະກອບຄຳຄິດຄຳເຫັນຕໍ່ແຜນນະໂຍ ບາຍໃໝ່ແຫ່ງຊາດ.ໃນລາຍການມື້ນີ້,ພວກເຮົາຈະແນະນຳສະພາບການປະຕິບັດໜ້າທີ່ຂອງຜູ້ແທນສະພາປະຊາຊົນແຫ່ງຊາດຫຼາຍຄົນສູ່ທ່ານຟັງ.
ອາຍຸຕຳແໜ່ງຂອງຜູ້ແທນສະພາປະຊາຊົນແຫ່ງຊາດຈີນທຸກສະໄໝແມ່ນ5ປີ,ແຕ່ລະປີ,ພວກເພິ່ນຕ້ອງໄປເຂົ້າຮ່ວມກອງປະຊຸມປະຈຳປີຂອງສະພາປະຊາຊົນແຫ່ງຊາດຢູ່ປັກກິ່ງ.ໃນເວລາໃຫ້ສຳພາດຕໍ່ນັກຂ່າວ,ຜູ້ແທນຈຳນວນໜຶ່ງເວົ້າວ່າ,ຫຼາຍປີມານີ້,ຄວາມສາມາດຂອງພວກເພິ່ນໃນການປະຕິບັດໜ້າທີ່ຮັບຜິດຊອບໄດ້ຍົກສູງຂື້ນຢ່າງບໍ່ຢຸດຢັ້ງ,ໄດ້ກາຍເປັນຜູ້ຕາງໜ້າຜົນປະໂຫຍດຂອງຜູ້ມີສິດເລືອກຕັ້ງຢ່າງແທ້ຈິງ.
ທ່ານຜູ້ຟັງທີ່ໂຄລົບ,ທີ່ຟັງມານັ້ນແມ່ນທ່ານວາງຢວນເຊີງ ຜູ້ແທນສະພາປະຊາຊົນແຫ່ງຊາດຈີນແຂ່ງຝົນໄປສະຖານທີ່ກໍ່ສ້າງແຫ່ງໜຶ່ງໃນປັກກິ່ງເພື່ອລົມກັບຊາວກະສິກອນທີ່ເຂົ້າມາເຮັດວຽກຢູ່ປັກກິ່ງ,ເພື່ອຮັບຮູ້ສະພາບເຮັດວຽກແລະຊີວິດການເປັນຢູ່ຂອງເຂົາເຈົ້າ.ທ່ານວາງຢວນເຊິງແມ່ນຜູ້ແທນສະພາປະຊາຊົນທີ່ມາຈາກແຂວງຊ່ານຕົ່ງ ພາກຕາເວັນອອກຂອງຈີນ,ສິບກວ່າປີກ່ອນກໍເຄີຍໄປເຮັດວຽກຢູ່ຕົວເມືອງ.ດຽວນີ້,ທ່ານໄດ້ກາຍເປັນບຸກຄົນທີ່ປະສົບຜົນສຳເລັດໃນໜ້າທີ່ວຽກງານສູງ,ແຕ່ທ່ານຍັງມີຄວາມຮັກແພງອັນພິເສດຕໍ່ຊາວກະສິກອນທີ່ໄປເຮັດວຽກຢູ່ຕົວເມືອງ.ທ່ານວາງຢວນເຊິງເວົ້າວ່າ:ແຕ່ລະປີ ຍັດຕິແລະຂໍ້ສະເໜີຂອງຂ້າພະເຈົ້າລ້ວນແຕ່ມີສ່ວນກ່ຽວພັນກັບການປົກປ້ອງສິດແລະຜົນປະໂຫຍດຂອງຊາວກະສິກອນທີ່ເຮັດວຽກໃນຕົວເມືອງ.ຂ້າພະເຈົ້າຮູ້ວ່າກຸ່ມຊົນນີ້ຕ້ອງການຄວາມຊ່ອຍເຫຼືອຫຍັງ,ກຸ່ມຊົນອັນໄພສານນີ້,ແນ່ນອນແລ້ວຕ້ອງການມີຄົນມາເປັນປາກເປັນສຽງແທນເຂົາເຈົ້າ,ຂ້າພະເຈົ້າເຫັນວ່າຕົນເອງມີໜ້າທີ່ແລະພັນທະນີ້.
ຜູ້ແທນສະພາປະຊາຊົນແຫ່ງຊາດຈີນມີລັກນະສະກວ້າງຂວາງແລະລັກສະນະຕົວແທນ.ອີງຕາມຂໍ້ກຳນົດ,ເຂດຕ່າງໆ ຊັ້ນຄົນຕ່າງໆແລະກຸ່ມປະຊາຊົນຕ່າງໆລ້ວນແຕ່ຕ້ອງມີຜູ້ແທນຂອງຕົນ.ນີ້ກໍແມ່ນຍ້ອນພິຈາລະນາເຖິງຈຸດປະສົງທີ່ປົກປ້ອງສິດແລະຜົນປະໂຫຍດຂອງເຂດຕ່າງໆ ຊັ້ນຄົນຕ່າງໆແລະກຸ່ມຊົນຕ່າງໆ.
ເຜົ່າເມິນປ່າຕັ້ງພູມລຳເນົາຢູ່ເຂດລິນຈື່ແລະເຂດສ່ານນານຂອງເຂດປົກຄອງຕົນເອງຕິເບດ ທາງພາກຕາເວັນຕົກສຽງໃຕ້ຂອງຈີນ,ມີປະຊາກອນ8000ກວ່າຄົນ.ແຕ່ພວກເຂົາເຈົ້າກໍມີຜູ້ແທນສະພາຂອງຕົນ ຄື ທ່ານໄບຕ່ານໂຊ້ວມູ.ເພິ່ນເວົ້າພາສາຮັ້ນບໍ່ຫຼ່ຽນໄຫຼປານໃດ,ເມື່ອປີ2003ໄດ້ເຂົ້າຮ່ວມກອງປະຊຸມສະພາປະຊາຊົນຢູ່ປັກກິ່ງເປັນຄັ້ງທຳອິດ,ກໍບໍ່ກ້າປະກອບຄຳຄິດຄຳເຫັນປານໃດ. ລາວເວົ້າວ່າ:
"ສອງສາມປີມານີ້,ມີຄວາມກ້າວໜ້າຫຼາຍ,ໄດ້ມີຂໍ້ສະເໜີບໍ່ໜ້ອຍ,ຕົວຢ່າງຄືສ້າງທາງແລະເຂື່ອນໄຟຟ້ານ້ຳຕົກເປັນຕົ້ນ.ປັດຈຸບັນ,ຂໍ້ສະເໜີເຫຼົ່ານີ້ລ້ວນແຕ່ໄດ້ຮັບການປະຕິບັດແລ້ວ.ຂ້ອຍຮູ້ສຶກດີໃຈຫຼາຍ.ກ່ອນຂ້ອຍມາເຂົ້າຮ່ວມກອງປະຊຸມ,ກໍມີປະຊາຊົນມາເຮືອນຂ້ອຍເພື່ອສະເໜີບັນຫາ."
ຜູ່ແທນປະຊາຊົນແຫ່ງຊາດຈີນແມ່ນມາຈາກທຸກໆຂະແໜງການ,ເຂົາເຈົ້າບໍ່ພຽງແຕ່ແມ່ນຜູ່ແທນຂອງຂະແໜງຂອງຕົນ,ຍັງແມ່ນຜູ່ສົນໃຈນຳຜົນປະໂຫຍດຂອງທົ່ວປວງຊົນ.ທ່ານນາງນານຊຸ້ນຈີ່ ຜູ່ແທນປະຊາຊົນຂອງແຂວງຈີລິນແມ່ນຜູ່ຮັບຜິດຊອບຂອງວິສາຫະກິດຜະລິດເຈ້ຍແຫ່ງໜຶ່ງຂອງແຂວງຈີລິນ,ນາງເອົາໃຈໃສ່ເປັນພິເສດຕໍ່ການພັດທະນາຂອງເສດຖະກິດໝູນວຽນ.ນາງກ່າວວ່າ,ຍ້ອນວ່ານາງໄດ້ສະເໜີໃຫ້ພັດທະນາເສດຖະກິດໝູນວຽນ,ສະນັ້ນ,ພະແນກທີ່ກ່ຽວຂ້ອງຂອງລັດໄດ້ຕິດຕໍ່ພົວພັນກັບນາງໂດຍຕະຫຼອດ.ສ່ວນໃນການຜະລິດແລະທຸລະກິດຂອງວິສາຫະກິດ ຕົນ,ນາງກໍເລີ່ມປະຕິບັດຕາມຮູບແບບເສດຖະກິດໝູນວຽນ ຄືໃນເມື່ອກ່ອນໃຊ້ແຕ່ໄມ້,ແຕ່ດຽວນີ້ແມ່ນເກັບ ໜັງສືພິມເກົ່າຄືນຢ່າງຫຼວງຫຼາຍເພື່ອເປັນວັດຖຸດິບ ຜະລິດເຈ້ຍ.ເຈ້ຍໜັງສືພິມທີ່ວິສາຫະກິດຂອງນາງຜະລິດນັ້ນມີ85%ແມ່ນໃຊ້ໜັງສືພິມເກົ່າເປັນວັດຖຸດິບ.
|
