|
|
 |
| (GMT+08:00)
2007-03-16 12:23:49
|
 |
|
ຄະນະລັດຖະບານຊຸດໃໝ່ຂອງປາເລັສຕີນໄດ້ສຳເລັດການປະກອບ
cri
Author: cai
ຕາມຂ່າວ CRI:ວັນທີ 15 ມີນານີ້,ທ່ານອິສເມວ ຮານີເຢ ນາຍົກລັດຖະມົນຕີລັດຖະບານຮັກສາການປາເລັສຕີນໄດ້ຍື່ນບັນຊີລາຍຊື່ສະມາຊິກລັດຖະບານປະສົມແຫ່ງຊາດໃຫ້ທ່ານມຸດ ອັບບາສ ປະທານອົງການອຳນາດແຫ່ງຊາດປາເລັສຕີນແລະໄດ້ຮັບການອະນຸມັດແລ້ວ.ລັດຖະບານປະສົມແຫ່ງຊາດປາເລັສຕີນຄາດວ່າຈະສ້າງຕັ້ງຂຶ້ນໃນມໍ່ໆນີ້.ມື້ດຽວກັນ,ປະເທດແລະອົງການຈັດຕັ້ງສາກົນໄດ້ທະຍອຍກັນສະແດງທັດສະນະຕໍ່ເລື່ອງນີ້.
ໃນສະມາຊິກລັດຖະບານປະສົມແຫ່ງຊາດປາເລັສຕີນ,ມີ 9 ທ່ານມາຈາກອົງການຮາມັສ, 6 ທ່ານມາຈາກອົງການອານຟາດາ.ອີກ 10 ທ່ານມາຈາກພັກຝ່າຍອື່ນໆຫຼືບຸກຄົນເອກະລາດຂອງປາເລັສຕີນ.
ວັນທີ 15 ມີນານີ້,ກະຊວງການຕ່າງປະເທດອິສຣາແອນກ່າວວ່າ,ເນື່ອງຈາກວ່າຮ່າງໂຄງການການເມືອງຂອງລັດຖະບານຊຸດໃໝ່ປາເລັສຕີນບໍ່ໄດ້ຕອບສະໜອງຄວາມຮຽກຮ້ອງຂອງສີ່ຝ່າຍທີ່ກ່ຽວຂ້ອງກັບບັນຫາຕາເວັນອອກກາງ,ອິສຣາແອນຈະບໍ່ຮັບຮອງຖານະຂອງລັດຖະບານຊຸດໃໝ່ຂອງປາເລັສຕີນ.
ທ່ານໂທນີ ສໂນ ໂຄສົກທຳນຽບຂາວອາເມລິກາຮຽກຮ້ອງໃຫ້ທ່ານອັບບາສຊອກຫາວິທີສ້າງເງື່ອນໄຂໃຫ້ແກ່ການຟື້ນຟູການເຈລະຈາສັນຕິພາບລະຫວ່າງປາເລັສຕີນກັບອິສຣາແອນຕາມເຈດຈຳນົງຂອງສີ່ຝ່າຍທີ່ກ່ຽວຂ້ອງກັບບັນຫາຕາເວັນອອກກາງເພື່ອແກ້ໄຂຄວາມຂັດແຍ່ງກັນລະຫວ່າງປາເລັສຕີນກັບອິສຣາແອນ.
ທ່ານມິກແຮວ ຄາມີນີນ ໂຄສົກກະຊວງການຕ່າງປະເທດຣັດເຊຍກ່າວວ່າ,ການສ້າງຕັ້ງລັດຖະບານປະສົມແຫ່ງຊາດນັ້ນ,ໄດ້ສ້າງເງື່ອນໄຂໃຫ້ແກ່ການຂະຫຍາຍການຮ່ວມມືທີ່ມີລັກສະນະສ້າງສັນລະຫວ່າງພາກສ່ວນຕ່າງໆຂອງປາເລັສຕີນກັບປະຊາຄົມໂລກແລະຊຸກຍູ້ການເຈລະຈາລະຫວ່າງປາເລັສຕີນກັບອິສຣາແອນ.
ທ່ານອາເມີ ໂມສຊາ ເລຂາທິການໃຫຍ່ສັນນິບາດອາຣັບອອກຖະແຫຼງການວ່າ,ການປະກອບລັດຖະບານປະສົມນັ້ນສາມາດຊ່ວຍຜ່ອນຄາຍສະຖານະການເຄັ່ງຕຶງບົນດິນແດນປາເລັສຕີນ,ແລະຟື້ນຟູຂະບວນການສັນຕິພາບໃນຕາເວັນອອກກາງຄືນໃໝ່.
|
|
|
