|
ຕາມຂ່າວcri:ວັນທີ16 ມີນາ,ກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນທີ່ດຳເນີນມາ11ມື້ເຄິ່ງໄດ້ອັດລົງຢູ່ປັກກິ່ງ.ກ່ອນອັດລົງ,ກອງປະຊຸມໄດ້ລົງມະຕິຜ່ານຮັບຮອງຮ່າງກົດໝາຍວ່າດ້ວຍສິດຊັບສິນແລະກົດໝາຍວ່າດ້ວຍອາກອນລາຍໄດ້ຂອງວິສາຫະກິດ,ແລະໄດ້ອະນຸມັດບົດລາຍງານວຽກງານລັດຖະບານໂດຍໄດ້ສຳຫຼວດພິຈາລະນາແລະດັດແກ້ທີ່ຜູ່ແທນສະພາປະຊາຊົນແຫ່ງຊາດຈີນ.
ກົດໝາຍວ່າດ້ວຍສິດຊັບສິນແມ່ນກົດໝາຍສຳຄັນທີ່ມີບົດບາດຄ້ຳຊູໃນລະບົບກົດໝາຍຂອງຈີນ,ກົດໝາຍນີ້ປົກປ້ອງສິດຊັບສິນຂອງສ່ວນລວມແລະຂອງເອກະຊົນຢ່າງສະເໝີພາບ,ບູລະນະລະບອບປົກປ້ອງຊັບສິນສ່ວນບຸກຄົນຂອງຈີນໃຫ້ສົມບູນຂຶ້ນ.ອີງຕາມກົດໝາຍວ່າດ້ວຍອາກອນລາຍໄດ້ຂອງວິສາຫະກິດທີ່ໄດ້ຖືກຮັບຮອງໃໝ່,ຈີນໄດ້ດັດແປງວິທີທີ່ແຍກອອກເກັບອາກອນລາຍໄດ້ຂອງວິສາຫະກິດຂອງຈີນແລະຂອງຕ່າງປະເທດຕາມອັດຕາອາກອນຕ່າງກັນແລ້ວ,ເກັບຕາມອັດຕາອາກອນດຽວຄື25%.
ຕາມບົດລາຍງານວຽກງານລັດຖະບານທີ່ຮັບອະນຸມັດຈາກກອງປະຊຸມສະພາ,ລັດຖະບານຈີນຈະພະຍາຍາມຫຼຸດຄວາມຜິດໂຕນດ້ານລະດັບຊີວິດການເປັນຢູ່ລະຫວ່າງເມືອງກັບຊົນນະບົດ,ໃນຂອບເຂດທົ່ວປະເທດສ້າງຕັ້ງລະບອບຮັບປະກັນຊີວິດການເປັນຢູ່ລະດັບຕ່ຳສຸດຢູ່ຊົນນະບົດ;ຍັງຈະພະຍາຍາມຜ່ອນຄາຍຂໍ້ຂັດແຍ່ງໄດ້ປຽບດຸນການຄ້າ,ແລະໃຊ້ມາດຕະການຫຼາຍດ້ານປົວແປງສະພາບບູ່ດຸນດຽງກັນລະຫວ່າງລາຍຮັບລາຍຈ່າຍສາກົນຢ່າງເປັນລຳດັບ;ບົນພື້ນຖານສັບຊ້ອນອົງປະກອບໃຫ້ດີຂຶ້ນ,ຍົກສູງປະສິດທິຜົນ,ຫຼຸດການສິ້ນເປືອງແລະອະນຸລັກສິ່ງແວດລ້ອມ,ຈີນວາງຄາດໝາຍເຕີບໂຕເສດຖະກິດຈີນໃນປີນີ້ຢູ່ລະຫວ່າງ8%.
|
