|
|
 |
| (GMT+08:00)
2007-03-17 17:34:37
|
 |
|
ປະຊາຄົມໂລກສືບຕໍ່ເອົາໃຈໃສ່ນຳກອງປະຊຸມສອງສະພາຂອງຈີນ
cri
Author: sayvanny
ຕາມຂ່າວສານຊີນຮວາ: ໃນຫລາຍມື້ມານີ້,ວົງການຕ່າງໆຂອງສາກົນໄດ້ສົນໃຈທີ່ສຸດບົດບາດລາຍວຽກງານລັດຖະບານທີ່ກ່າວໂດຍທ່ານເວີນເຈ່ຍປາວ ນາຍົກລັດຖະມົນຕີຈີນແລະກອງປະຊຸມສະພາຜູ່ແທນປະຊາຊົນແຫ່ງຊາດຈີນພິຈາລະນາແລະຜ່ານກົດຫມາຍວ່າດ້ວຍສິດຊັບສິນແລະກົດຫມາຍວ່າດ້ວຍອາກອນລາຍໄດ້ຂອງວິສາຫະກິດ.
ໃນເວລາໃຫ້ສຳພາດຕໍ່ນັກຂ່າວ,ເຈົ້າຫນ້າທີ່ກະຊວງເສດຖະກິດຂອງ ໂຮນລັງໄດ້ຍ້ອງຍໍກອງປະຊຸມສະພາຜູ່ແທນປະຊາຊົນຈີນພິຈາລະນາຜ່ານຮ່າງກົດຫມາຍວ່າດ້ວຍອາກອນລາຍໄດ້ຂອງວິສາຫະກິດ,ເຫັນວ່ານີ້ຈະເຮັດໃຫ້ການແກ່ງແຍ່ງຢູ່ຕະຫລາດຈີນຍຸດຕິທຳກວ່າເກົ່າ,ແລະຈະຊ່ອຍວິສາຫະກິດຈີນມີກຳລັງແກ່ງແຍ່ງຫລາຍຂຶ້ນໃນໂລກ.
ວາລະສານ Economist ສະບັບຫລ້າສຸດຂອງອັງກິດໄດ້ພິມບົດຄວາມວ່າ: ຈີນວາງກົດຫມາຍວ່າດ້ວຍສິດຊັບສິນແມ່ນໄຊຊະນະທີ່ມີຄວາມຫມາຍເປັນສັນຍາລັກອັນຍິ່ງໃຫຍ່ໃນການປະຕິຮູບເສດຖະກິດແລະການປົກຄອງດ້ວຍກົດຫມາຍ,ສະແດງໃຫ້ເຫັນວ່າ,ຈີນນັບມື້ນັບເອົາໃຈໃສ່ນຳຊີວິດການເປັນຢູ່ຂອງປະຊາຊົນ, ນັບມື້ນັບຟັງສຽງຂອງປະຊາຊົນ. ຫນັງສືພິມ Financial times ພິມບົດຄວາມຊີ້ອອກວ່າ: ຈີນວາງກົດຫມາຍວ່າດ້ວຍສິດຊັບສິນສະແດງໃຫ້ເຫັນລະບອບສັງຄົມນິຍົມທີ່ຖືລະບອບກຳມະສິດສ່ວນລວມເປັນອັດຕະພາບ,ພ້ອມກັນນັ້ນກໍ່ໄດ້ຕີຄວາມຫມາຍໃຫ້ການຄຸ້ມກັນດ້ານກົດຫມາຍໃຫ້ແກ່ຊັບສິນຂອງສ່ວນຕົວເປັນຄັ້ງທຳອິດ.
ຫນັງສືພິມ ouvelles d'europe ຂອງຝຣັ່ງໄດ້ພິມບົດວິຈານກ່າວວ່າ, ຫົວຂໍ້ກ່ຽວກັບຊີວິດການເປັນຢູ່ຂອງປະຊາຊົນທີ່ກ່າວໃນບົດລາຍງານວຽກງານລັດຖະບານຂອງທ່ານນາຍົກລັດຖະມົນຕີເວີ່ນເຈ່ຍປາວໄດ້ຫັນຫນ້າໃສ່ບັນຫາທີ່ຊົງຕົວຢູ່ໃນສະພາບຕົວຈິງຢ່າງມີສະຕິ, ອັນໄດ້ສ້າງພື້ນຖານໃຫ້ແກ່ການໄຂກອງປະຊຸມສອງສະພາເທື່ອນີ້.ບົດຄວາມຍັງຂຽນວ່າ,ໃນເວລາເຂົ້າຮ່ວມການຫາລື, ທ່ານປະທານຫູຈີນທາວໄດ້ເນັ້ນສັບທີ່ວ່າສະຕິຄວາມກັງວົນ.ນີ້ສະແດງໃຫ້ເຫັວ່າຜູ່ນຳຈີນຮຸ່ນໃຫມ່ໄດ້ມີການຮັບຮູ້ຕໍ່ສະພາບຕົວຈິງຢ່າງມີສະຕິ,ມີຈິດໃຈທີ່ຖືວ່າກັນດີກວ່າແກ້.
|
|
|
