|
ລັດຖະມົນຕີກະຊວງການຄ້າຈີນກ່າວວ່າ, ກົດຫມາຍວ່າດ້ວຍອາກອນລາຍໄດ້ຂອງວິສາຫະກິດຈະຊຸກຍູ້ການນຳໃຊ້ທຶນຕ່າງປະເທດຂອງຈີນຂຶ້ນສູ່ລະດັບສູງກວ່າເກົ່າ
cri
Author: sayvanny
ຕາມຂ່າວສານຊີນຮວາ:ທ່ານປໍຊີລາຍ ລັດຖະມົນຕີວ່າການກະຊວງການຄ້າຈີນກ່າວວ່າ, ກົດຫມາຍວ່າດ້ວຍອາກອນລາຍໄດ້ຂອງວິຫສາະ ກິດທີ່ຫາກກໍ່ຜ່ານຈະຊຸກຍູ້ໃຫ້ລະດັບການນຳໃຊ້ທຶນຕ່າງປະເທດຂອງຈີນສູງຂຶ້ນກວ່າເກົ່າ.
ອີງຕາມກົດຫມາຍສະບັບນີ້,ຈີນໄດ້ປ່ຽນແປງວິທີເກັບອາກອນລາຍໄດ້ກັບວິສາຫະກິດຈີນແລະຕ່າງປະເທດດ້ວຍອັດຕາຕ່າງກັນໃນແຕ່ກ່ອນ,ຕໍ່ໄປຈະເກັບອາກອນລາຍໄດ້ກັບວິສາຫະກິດດ້ວຍອັດຕາໃຫມ່ຄື 25% ເປັນເອກະພາບກັນຫມົດ.
ໃນເວລາໃຫ້ສຳພາດຕໍ່ນັກຂ່າວ,ທ່ານປໍຊີລາຍເວົ້າວ່າ, ເຮັດແນວນີ້ມີຜົນດີຕໍ່ການສ້າງສະພາບແວດລ້ອມຕະຫລາດທີ່ເປັນເອກະພາບ ເປັນແບບສະບັບແລະຍຸດຕິທຳ,ແຮງດຶງດູດນັກທຸລະກິດຕ່າງປະເທດມາລົງທຶນຢູ່ຈີນນັ້ນຈະບໍ່ອ່ອນລົງຍ້ອນປະຕິບັດກົດມຫາຍດັ່ງກ່າວ.
ທ່ານເວົ້າວ່າ, ນັກທຸລະກິດຕ່າງປະເທດມາຈີນ,ບໍ່ແມ່ນຍ້ອນການເກັບອາກອນລາຍດຽວ,ປັດໄຈອື່ນໆກໍ່ສຳຄັນຫລາຍ,ຕົວຢ່າງຄືສິ່ງກໍ່ພື້ນຖານໂຄງລ່າງ, ຄຸນນະທາດຂອງແຮງງານແລະສັງຄົມຫມັ້ນທ່ຽງເປັນຕົ້ນ.ທ່ານຍັງກ່າວວ່າ, ສິ່ງສຳຄັນກວ່ານັ້ນແມ່ນຕະຫລາດ,ຈີນແມ່ນຕະຫລາດໃຫຍ່ທີ່ພັດທະນາໄວກວ່າຫມູ່ໃນໂລກ.
|
|
