|
|
 |
| (GMT+08:00)
2007-03-18 19:41:56
|
 |
|
ລັດຖະບານປະສົມແຫ່ງຊາດປາເລັສຕິນສາບານຕົວຂຶ້ນຮັບຕຳແໜ່ງ
cri
Author: m
ຕາມຂ່າວ CRI: ຕອນຄ່ຳວັນທີ 17 ມີນານີ້, ລັດຖະບານປະສົມແຫ່ງຊາດປາເລັສຕິນທີ່ຈັດຕັ້ງໂດຍອົງການຮາມັສແລະອົງການອານຟາຕາໄດ້ສາບານຕົວຂຶ້ນຮັບຕຳແໜ່ງ. ມື້ດຽວກັນ, ລັດຖະບານອິສຣາແອນກ່າວຢ້ຳປະຕິເສດບໍ່ພົວພັນກັບລັດຖະບານໃໝ່ຂອງປາເລັສຕິນ.
ຍ້ອນອິສຣາແອນລົງຄຳສັ່ງຫ້າມທ່ອງທ່ຽວ, ຕອນຄ່ຳວັນທີ 17, ບັນດາລັດຖະມົນຕີຂອງລັດຖະບານປະສົມແຫ່ງຊາດປາເລັສຕິນຈຳເປັນຕ້ອງສາບານຕົວຂຶ້ນຮັບຕຳແໜ່ງຢູ່ກາຊາແລະຣາມາລາ.
ມື້ດຽວກັນ, ຄະນະກຳມະການນິຕິບັນຍັດຂອງປາເລັສຕິນຈັດກອງປະ ຊຸມວິສາມັນ, ຜ່ານການປ່ອນບັດເຊື່ອຖືຕໍ່ລັດຖະບານປະສົມແຫ່ງຊາດ. ເວລານັ້ນ, ທ່ານຮານິເຢ ທີ່ຈະຂຶ້ນຮັບຕຳແໜ່ງເປັນນາຍົກລັດຖະ ມົນຕີຂອງລັດຖະບານປາເລັສຕິນຊຸດໃໝ່ນັ້ນໄດ້ຂຶ້ນກ່າວຄຳປາໄສຢ່ໃນູຄະນະກຳມະການນິຕິບັນຍັດຂອງປາເລັສຕິນວ່າ, ຈຸດໜັກວຽກງານຂອງລັດ ຖະບານປາເລັສຕິນຊຸດໃໝ່ກໍ່ແມ່ນຕໍ່ສູ້ກັບຜູ້ຍຶດຄອງດ້ວຍວິຖີທາງຕ່າງໆ.
ນອກນີ້, ຂ່າວແຈ້ງອີກວ່າ, ວັນທີ 17 ມີນານີ້, ບັນດາປະເທດອາຣາບ ເຊັ່ນ: ເອຢິບ, ອາລະບີຊາວຸດິດ, ຊອກດານີ, ອີເອເມນ, ແລະກາຕາເປັນຕົ້ນຕ່າງໄດ້ອອກຖະແຫຼງວ່າ, ຊົມເຊີຍການສ້າງຕັ້ງລັດຖະບານປາເລັສຕິນຊຸດໃໝ່, ແລະຮຽກຮ້ອງໃຫ້ອາເມລິກາແລະປະເທດຝ່າຍຕາເວັນຕົກອື່ນໆຍົກເວັ້ນການລົງໂທດປາເລັສຕິນທາງເສດຖະກິດຕອນຄ່ຳວັນທີ 17 ມີນານີ້, ເຢຍລະມັນ ເຊິ່ງເປັນປະເທດປະທານຝຽນຂອງສະຫະພາບເອີລົບອອກຖະແຫຼງການວ່າ, ສະແດງຄວາມຊົມເຊີຍການຈັດຕັ້ງລັດຖະບານປາເລັສຕິນຊຸດໃໝ່, ແລະກ່າວວ່າ, ສະຫະ ພາບເອີລົບຈະສືບຕໍ່ແກ່ການຊ່ອຍເຫຼືອອັນຈຳເປັນໃຫ້ປະຊາຊົນປາເລັສຕິນ.
|
|
|
