|
|
 |
| (GMT+08:00)
2007-03-20 20:42:33
|
 |
|
ນາຍົກຈີນໂທລະສັບລົມກັບນາຍົກເຢຍລະມັນ
cri
ຕາມຂ່າວສານຊິນຮວາ,ວັນທີ19ມີນານີ້,ໂດຍຕອບສະໜອງຕາມການນັດ,ທ່ານເວິ່ນເຈ່ຍປາວ ນາຍົກລັດຖະມົນຕີຈີນໄດ້ໂທລະສັບລົມກັບທ່ານນາງອັນຈີລາເມີເຄີນນາຍົກລັດຖະມົນຕີເຢຍລະມັນ.
ທ່ານເວິ່ນເຈ່ຍປາວກ່າວວ່າ,ພາຍໃຕ້ເບື້ອງຫຼັງທີ່ໂລກາວິວັດຂະຫຍາຍຕົວລົງສູ່ລວງເລິກ,ຈີນແລະເຢຍລະມັນມີຜົນປະໂຫຍດຮ່ວມເພີ່ມຂຶ້ນເລື້ອຍໆ.ອະນາຄົດແຫ່ງການຮ່ວມມືກໍດີງາມກວ່າເກົ່າ.ຫວັງວ່າສອງຝ່າຍສືບຕໍ່ປະຕິບັດຕໍ່ແລະຂະຫຍາຍການພົວພັນລະຫວ່າງສອງຝ່າຍຈາກລະດັບສູງທາງຍຸດທະສາດໃນໄລຍະຍາວນານ,ເພີ່ມຄວາມໄວ້ເນື້ອເຊື່ອໃຈກັນທາງການເມືອງຢ່າງບໍ່ຢຸດຢັ້ງເປີດກວ້າງການຮ່ວມມືດ້ານເສດຖະກິດເຕັກນິກ,ຊຸກຍູ້ການແລກປ່ຽນດ້ານວັດທະນະທຳ,ຍົກການພົວພັນຈີນເຢຍລະມັນໃຫ້ສູງເຖິງລະດັບໃໝ່.
ໃນເວລາລົມກັນທາງໂທລະສັບ,ກ່ອນອື່ນ,ທ່ານນາງເມີເຄີນໄດ້ສະແດງຄວາມຊົມເຊີຍຕໍ່ກອງປະຊຸມສອງສະພາຂອງຈີນໄດ້ຮັບໝາກຜົນອັນຕັ້ງໜ້າ.ທ່ານນາງກ່າວວ່າ,ລັດຖະບານເຢຍລະມັນເອົາໃຈໃສ່ໃນລະດັບສູງນຳການຂະຫຍາຍການພົວພັນກັບຈີນ,ຍິນດີເພີ່ມທະວີການຮ່ວມມືກັບຈີນໃນຂົງເຂດເສດຖະກິດການຄ້າ,ການອະນຸລັກສິ່ງແວດລ້ອມແລະອື່ນໆ,ປະສານງານແລະທຳຄວາມເຂົ້າໃຈກັນຢ່າງໃກ້ຊິດໃນວຽກງານລະຫວ່າງຊາດ.
ສອງຝ່າຍຍັງໄດ້ແລກປ່ຽນຄວາມເຫັນກ່ຽວກັບບັນຫາສຳຄັນໃນສາກົນແລະພາກພື້ນເຊັ່ນການປ່ຽນແປງຂອງດິນຟ້າອາກາດ,ບັນຫານີວເຄຼຍຂອງແຫຼມເກົາຫຼີ,ບັນຫານີວເຄຼຍຂອງອີຣານເປັນຕົ້ນ.
|
|
|
