|
|
 |
| (GMT+08:00)
2007-03-20 21:13:51
|
|
ປະເທດລ່ອງແມ່ນ້ຳຂອງການເຊັນສັນຍາຄົມມະນາຄົມຂ້າມຊາຍແດນ
cri
Author: shuo
ຕາມຂ່າວສານຊິນຮວາ:ວັນທີ20ມີນານີ້,6ປະເທດມະຫາອະນຸພາກພື້ນແມ່ນ້ຳຂອງ ຄືຈີນ ລາວ ກຳປູເຈຍ ມຽນມາ ໄທແລະຫວຽດນາມໄດ້ສຳເລັດແລະເຊັນ"ສັນຍາວ່າດ້ວຍການຂົນສົ່ງຂ້າມຊາຍແດນ".
ວັນທີ20ມີນານີ້,ທະນາຄານພັດທະນາອາຊີແຈ້ງຂ່າວວ່າ,ການເຊັນສັນຍາສະບັບນີ້,ໄດ້ເຮັດໃຫ້ລະບອບແລະລະບຽບການຂ້າມຊາຍແດນຂອງປະເທດຕ່າງໆໃນມະຫາອະນຸພາກພື້ນແມ່ນ້ຳຂອງໂຮມເປັນເອກພາບກັນ,ເຊິ່ງໄດ້ເຮັດໃຫ້ການຂົນສົ່ງວັດຖຸແລະການສັນ ຈອນໄປມາຂ້າມຊາຍແດນຂອງບຸກຄົນສະດວກກວ່າເກົ່າ.ສັນຍາສະບັບນີ້ແມ່ນມາດຕະການສຳຄັນທີ່ສຸດຕໍ່ການຊຸກຍູ້ການຄ້າ ການລົງທຶນແລະການທ່ອງທ່ຽວຂອງອະນຸພາກພື້ນແຫ່ງນີ້ໃຫ້ພັດທະນາ.
ໃນມື້ດຽວກັນ,ທ່ານເວີ່ງເມີ້ງຢົງ ລັດຖະມົນຕີຊ່ວຍວ່າການກະຊວງຄົມມະນາຄົມຂອງຈີນກ່າວວ່າ,ຈີນຕັ້ງໜ້າສະໜັບສະໜູນການກໍ່ສ້າງຄົມມະນາຄົມຂອງມະຫາອະນຸພາກພື້ນແມ່ນ້ຳຂອງ.
|
|
|
