|
ປະຈຸບັນ, ໃນການພົວພັນລະຫວ່າງຣັດເຊຍກັບຈີນບໍ່ມີບັນຫາການເມືອງໃດໆທີ່ເຮັດໃຫ້ສອງຝ່າຍກັງວົນ
cri
Author: m
ຕາມຂ່າວສານຊິ່ນຮວາ: ວັນທີ 20 ມີນານີ້, ໃນເວລາທ່ານເຊີເກ ຣາຈົຟ ເອກອັກຄະລັດຖະທູດຣັດເຊຍປະຈຳຈີນທີ່ໄປຢາມອິນເຕີເນັດຊິ່ນຮວານັ້ນ, ກ່າວວ່າ, ການພົວພັນຄູ່ຮ່ວມມືຍຸດທະສາດຣັດເຊຍຈີນໄດ້ບັນລຸລະດັບສູງທີ່ບໍ່ເຄີຍມີມາກ່ອນ, ປະຈຸບັນ, ໃນການພົວພັນລະຫວ່າງຣັດເຊຍກັບຈີນບໍ່ມີບັນຫາການເມືອງໃດໆທີ່ຈະເຮັດໃຫ້ສອງຝ່າຍກັງວົນ, ທ່ານມີຄວາມໝັ້ນໃຈຕໍ່ອະນາຄົດຂະຫຍາຍການພົວພັນລະຫວ່າງສອງປະເທດ.
ໃນເວລາລົມກັບປະຊາກອນອິນເຕີເນັດ, ທ່ານຣາຈົຟເວົ້າວ່າ, ຣັດເຊຍຈີນຈັດກິດຈະກຳ "ປີມິດຕະພາບ", ແມ່ນການຕົກລົງອັນສະຫຼາດສ່ອງໃສຂອງປາມຸກລັດສອງປະເທດ. ປະຊາຊົນຣັດເຊຍມີຄວາມສົນໃຈຫຼາຍຕໍ່ກິດຈະກຳ "ປີຈີນ"ແລະປະເທດຈີນ, ແລະນັບມື້ນັບສົນໃຈຫຼາຍຂຶ້ນ.
ທ່ານຣາຈົຟກ່າວວ່າ, ປີກາຍນີ້, ປະຊາຊົນຣັດເຊຍທີ່ມາທ່ຽວຫຼືດຳເນີນກິດຈະກຳຕ່າງໆຢູ່ຈີນມີ 2 ລ້ານກວ່າເທື່ອຄົນ, ຢູ່ຈີນ, ມີນັກຮຽນຣັດເຊຍປະມານ 1 ໝື່ນ 3 ພັນຄົນ. ນີ້ໄດ້ສະແດງໃຫ້ເຫັນຢ່າງເຕັມສ່ວນວ່າ, ເວົ້າສຳລັບປະຊາຊົນຣັດເຊຍແລ້ວ, ຈີນມີສະເໜ່ດຶງດູດຫຼາຍ.
ການເຄື່ອນໄຫວ "ປີຈີນ" ຂອງຣັດເຊຍຈະເລີ່ມຈັດຂຶ້ນໃນທ້າຍເດືອນມີນານີ້. ວັນທີ 26 ຫາວັນທີ 28 ມີນາ, ທ່ານປະທານຫູຈີນທາວຈະໄປຢ້ຽມຢາມຣັດເຊຍທາງລັດຖະກິດ, ແລະເຂົ້າຮ່ວມພິທີໄຂກິດຈະກຳ "ປີຈີນ".
|
|
