|
ສື່ມວນຊົນບາງປະເທດຊີ້ອອກວ່າ, ສົງຄາມອີຣັກແມ່ນສົງຄາມທີ່ອະທຳແລະປະຊາໄຊ
cri
Author: m
ຕາມຂ່າວສານຊິ່ນຮວາ: ໃນເວລາທີ່ອາເມລິກາກໍ່ສົງຄາມອີຣັກຄົບຮອບ 4 ປີ, ວັນທີ 20 ມີນານີ້, ສື່ມວນຊົນຂອງບາງປະເທດຕ່າງກໍ່ໄດ້ພິມບົດຄວາມຊີ້ອອກວ່າ, ສົງຄາມອີຣັກແມ່ນສົງຄາມທີ່ອະທຳແລະປະລາໄຊ.
ໜັງສືພິມ "ເລີ ຟິກາໂຣ" ຝະຣັ່ງພິມບົດນຳຊີ້ອອກວ່າ, ສົງຄາມອີຣັກແມ່ນສົງຄາມທີ່ໄຮ້ຄວາມເປັນທຳ. ບໍ່ພຽງແຕ່ໄດ້ເຮັດໃຫ້ປະຊາຊົນອີຣັກເສຍຊີວິດຈຳນວນຫຼວງຫຼາຍທໍ່ນັ້ນ, ຍັງໄດ້ເຮັດໃຫ້ທະຫານອາເມລິກາ 3 ພັນກວ່າຄົນຕາຍຢູ່ຕ່າງປະເທດ. ສົງຄາມບໍ່ໄດ້ເຮັດໃຫ້ປະຊາຊົນອີຣັກກ້າວໄປຫາປະຊາທິປະໄຕເລີຍ, ກົງກັນຂ້າມຍັງໄດ້ເພີ່ມການສ້າງຄວາມອາຄາດບາດໝາງກັນລະຫວ່າງນິກາຍສາສະໜາຕ່າງໆ, ເຮັດໃຫ້ອີຣັກເກີດສົງຄາມກາງເມືອງແລະມໍ່ຈະແຕກແຍກກັນ.
ໜັງສືພິມ "ແນວຄິດ" ຂອງລູມານີລົງພິມບົດວິຈານວ່າ, ນັບແຕ່ເກີດສົງຄາມອີຣັກມານີ້, ປະຊາຊົນອີຣັກຫຼວງຫຼາຍເສຍຊີວິດຍ້ອນ, ແລະຫຼາຍລ້ານຄົນບໍ່ມີບ່ອນເພິ່ງພາອາໄສ. "ຄວາມຜິດຂອງອາເມລິກາເຮັດໃຫ້ທົ່ວໂລກຕ້ອງເສຍຄ່າຕອບແທນຢ່າງສູງ".
ໜັງສືພິມ "ແຮງງານ" ຂອງບຸນກາລີພິມບົດວິຈານທີ່ພາດຫົວເລື່ອງວ່າ "ນັບມື້ນັບຄືກັບສົງຄາມຫວຽດນາມ", ໂດຍຊີ້ອອກວ່າ, ອາເມລິກາເຮັດສົງຄາມຢູ່ອີຣັກຍາວນານທໍ່ໃດ, ສະພາບສົງຄາມກໍ່ແຫ່ງຄືອາເມລິກາເສຍໄຊໃນສົງຄາມຫວຽດນາມ.
ໜັງສືພິມ "ອາຊາຮີ ຊິມບຸນ" ຍີ່ປຸ່ນພິມບົດນຳວ່າ, ນັບແຕ່ມື້ທະຫານອາເມລິກາອັງກິດບໍ່ເອົາຫົວຊານຳສຽງຄັດຄ້ານຂອງປະຊາຄົມໂລກໂຈມຕີອີຣັກ, ມາຮອດປະຈຸບັນໄດ້ 4 ປີແລ້ວ. ດຽວນີ້, ບໍ່ມີໃຜເຫັນວ່າອີຣັກຫຼືໂລກມີຄວາມສະຫງົບ.
|
|
